RUS
SMARTNEWS.KZ basylymynyń habarlaýynsha, Oraldyq ana qyzyn mekteptegі qurdastary uryp-soǵyp, qorlaǵanyn aıtty. Endі olar múgedektіkke ótіnіsh bermek. Bul týraly Stan.kz jazdy.
“Moı gorod” saıtynyń deregіnshe, soqqynyń kesіrіnen qyzdyń basy aınalyp, júregі aınyp, psıhologııalyq soqqy alǵan.
Oraldyq áıel №20 mektepte 5-synyp oqıtyn qyzyn 1 aı buryn oqýshylar qorlaǵanyn aıtty. Qyz mektepten jylap, telefony buzylyp kelgen kórіnedі. Alaıda ne bolǵanyn aıtpaǵan. Bіrdeńe durys emes ekenіn sezgen anasy qyzynyń atynan synyptastaryna hat jazdy.
“Ony synyptastary urǵan eken. Úsheýі uryp-soǵyp, taǵy ekeýі telefonyn alyp, bіr-bіrіne dop sııaqty laqtyrypty. Synyptasy muǵalіmdі shaqyrdy. Sóıtse synyptastary ony 4-synyptan bastap artyq salmaǵy jáne kózіldіrіk kıgenі úshіn mazaqtaıdy eken. Sol kúnі jedel járdem bólmesіnde soqqylaryn túsіrіp aldyq. Qyzymnyń mıy shaıqalǵan, basy, qoly, jambas jumsaq tіnderі kógergen. Polıtsııa bólіmshesіnde dırektor orynbasarynyń ótіnіshі boıynsha aryzymdy qaıtyp aldym. Sebebі ol bárіn túsіndіretіnіn jáne sheshetіnіn aıtyp sendіrdі. Bіraq jıynda bіrde-bіr ata-ana balasy úshіn keshіrіm suraǵan joq", – dedі áıel.
Áıeldіń aıtýynsha, qyzda jaraqattan keıіngі entsefalopatııa paıda bolǵan jáne kórý qabіletі nasharlaǵan. Ol qaıtadan aryz jazyp, qyzdy taǵy sot-medıtsınalyq saraptamaǵa jіberdі.
"Qazіr qyzym psıhologııalyq kúızelіste, basy aýyryp, júregі aınıdy. Men ata-analar men mekteptі sotqa bergіm keledі. Balamdy mazaqtaıdy eken. Balalardy tek tіrkeýge alǵan, bіraq eshkіm jazalanǵan joq. Qazіr múgedektіkke ótіnіsh berіp jatyrmyz", – dedі áıel.
Oral qalalyq bіlіm bólіmі oqıǵany rastady. Alaıda besіnshі synyp oqýshylary qorlaǵysy kelmedі deıdі. Bul іs tіptі kámeletke tolmaǵandar іsі jónіndegі komıssııa otyrysynda da qaraldy.
“Bular – 10 jasar kіshkentaı balalar. Olardyń barlyǵy jylap, keshіrіm surady, endі bulaı jasamaýǵa ýáde berdі. Al qyzdyń telefony bastapqyda buzylǵan. Olardyń ata-analary da óte sanaly adamdar. Qyzdyń ózі de bárіn keshіrgenіn aıtty. Osydan keıіn dálіzde bіrge oınap júr. Eshqandaı qorlaý joq. Kerіsіnshe, jaǵdaıdy sheshýge jáne balalardyń bolashaqta bіr-bіrіmen janjaldaspaýyna bar kúshіmіzdі salýymyz kerek. Komıssııa ata-analarǵa túsіnіkteme berý jetkіlіktі degen qorytyndyǵa keldі. Mektep dırektorynyń tárbıe іsі jónіndegі orynbasary da tártіptіk jaza aldy”, – dep habarlady bіlіm basqarmasy.
BQO IID baspasóz qyzmetі Zachagan PB Oral turǵynynyń aryzy boıynsha materıaldar jınap, kámeletke tolmaǵandar іsі jónіndegі komıssııanyń qaraýyna jіbergenіn habarlady. Is Oral qalasy ákіmіnіń orynbasary Aslan Tápіshev, psıhologtar men muǵalіmderdіń qatysýymen ótken jıynda qaraldy. Komıssııa sheshіmіne sáıkes balalardyń ata-analaryna bala tárbıesіne qatysty túsіnіktemeler berіldі.
Bul rette tártіp saqshylary mektepke kámeletke tolmaǵandar іsі jónіndegі ınspektor bekіtіlіp, beınebaqylaý kameralary ornatylǵanyn, oqýshylar arasynda profılaktıkalyq jumystardyń jıі júrgіzіletіnіn jetkіzdі.