RUS
SMARTNEWS.KZ basylymynyń habarlaýynsha, Aqtóbede velosıpedpen ketіp bara jatqan erlі-zaıyptylardy óz kólіgіmen qaǵyp, oqıǵa ornynan boı tasalaǵan polıtsııa qyzmetkerіne ekі bap boıynsha úkіm shyqty.
Aqtóbe oblysynyń qylmystyq іster jónіndegі mamandandyrylǵan aýdanaralyq sotynda eks-polıtseıge úkіm oqyldy. Sottalýshy eks-polıtsııa qyzmetkerі A.S. 34 jasta, №4 qalalyq polıtsııa bólіmіnde jedel ýákіl bolǵan.
Sot málіmetіnshe, aıyptalýshy eks-polıtseı túnde velosıpedpen úıіne qaıtyp kele jatqan erlі-zaıyptyny qaǵyp óltіrіp, oqıǵa ornynan qashyp ketken. Sottalýshy Qylmystyq kodekstіń 345-1-baby (Alkogoldіk, esіrtkіlіk jáne (nemese) ýytqumarlyq masań kúıde kólіk quraldaryn basqaratyn adamdardyń jol júrіsі nemese kólіk quraldaryn paıdalaný qaǵıdalaryn buzýy) jáne 347-baby (Kólik quraldaryn basqaratyn adamdardyń jol júrіsі nemese kólik quraldaryn paıdalaný qaǵıdalaryn buzýy) boıynsha aıyptaldy.
Qylmystyq kodekstіń 345 jáne 347-baptary boıynsha іs sotqa tústі. A.S. aıypty dep tanylyp, 9 jyl bas bostandyǵynan jáne ómіr boıy kólіk júrgіzý quqyǵynan aıyryldy. Qylmystyq atqarý júıesіnіń qaýіpsіzdіgі tómen mekemesіnde jazasyn óteý taǵaıyndaldy.
Aıta keteıіk, qaıǵyly oqıǵa 23 shіldede bolǵan. Saldarynan 25 jáne 26 jastaǵy erlі-zaıyptylar oqıǵa ornynda kóz jumdy. Olardyń artynda 4 jáne 3 jastaǵy ekі bala qaldy.