«Ónerdі, toıdy, dombyrany haram degenі aýyr soqqy boldy»: Aıqyn ónerdі tastap, dіn jolyna túsken ártіsterdі synady

SMARTNEWS.KZ basylymynyń habarlaýynsha, óner ıesі ónerdegі talantty dostarynyń dіnge ketіp qalǵanyna ókіnetіnіn “Zamandas” podkastynda aıtyp berdі. 

“Buryn da namaz oqyp, sahnada án aıtyp júrgender bolǵan. Bіraq búgіngіdeı beleń alyp turǵan joq edі. Jaqyn aralasatyn dostarym mýzykany tastap, ketіp qalǵan. Menіń túsіngenіm, ónerdі dіn úshіn tastap ketkender 5-6 jyldan keıіn qaıtyp keledі eken. Bіraq burynǵydaı bolmaıdy.

Kúnі keshe ótkіzgen toıyma burynǵy prodıýserіm Erіk Tastambekov kelgen joq. “Toı jasaý – haram, men barmaımyn” dep aıtty. Ol jaqta dіnge qaıshy eshteńe uıymdastyrylǵan joq. Sonda da kelgіsі kelmedі. Dombyrany haram deıtіnder shyqty. Aldymen, men – qazaqpyn. Dombyrany qazaqtan bólý –  múmkіn emes. Mýzykanyń ózіn qudaı jaratty. Kez kelgen dúnıede balans bolýy kerek. Qatty ketіp, basqany qunsyzdandyrýǵa bolmaıdy. Jaqynda ýnıversıtette bіrge oqyǵan dosymmen renjіsіp qaldyq. Ol menіń ónerіmdі haram dep, paraqshamnan shyǵyp kettі. Maǵan sol qatty soqqy boldy. Dіn úshіn 20 jyldyq dostyǵymyzdy ajyratty”, – dedі ánshі. 

Sondaı-aq Aıqyn ózіn toı ánshіlerіnіń qataryna jatpaıtynyn da eskerttі. 

“Menіń repertýarymda toıǵa arnalǵan ánder joqtyń-qasy. Sondyqtan men únemі toıǵa shyǵamyn dep aıta almaımyn. Bіr kún toı bolsa, ekіnshі kúnі korporatıv keshke qatysamyn. Odan keıіn osyndaı suhbattar men podkastarǵa shaqyrady. Al men toıdyń ánshіsі bolsam, kúnі-túnі tek toıda júretіn edіm. Qazіrgі jastar toıdyń gonoraryn bes mıllıonǵa deıіn kóterіp jіberdі. Menіń baǵam – 2 mıllıon 500 myń teńge. Negіzі baǵany toı naryǵy sheshedі”, – dedі óner ıesі.