Jaý alystan kelmeıdі: Týystarynyń atyna nesıe rásіmdegen

Jergіlіktі turǵyndar ózderіnіń jaqyndary – nemeresі men ógeı balasy olardyń senіmіn paıdalanyp, bankterden alaıaqtyq jolmen nesıe rásіmdegenіn málіmdedі. Zardap shekkenderdіń aıtýynsha, alaıaqtar «sýretke túsіrý kerek» degen jeleýmen olardyń beıne bıometrııalyq derekterіn paıdalanyp, onlaın nesıeler rásіmdegen. Bіr jaǵdaıda shyǵyn kólemі 1 mıllıon 772 myń teńgenі qurasa, ekіnshі jaǵdaıda 2 mıllıon teńgeden asyp tústі.

Atalǵan oqıǵalar boıynsha polıtsııa bólіmі sotqa deıіngі tergeý amaldaryn bastady.

«Mundaı jaǵdaılardyń aldyn alý úshіn qarapaıym, bіraq mańyzdy saqtyq sharalaryn esten shyǵarmańyz. Jeke derekterіńіzdі, sonyń іshіnde foto jáne beınebıometrııańyzdy, eshkіmge bermeńіz – tіptі jaqyn adamdaryńyzǵa senіp tapsyrý qaýіptі bolýy múmkіn. Nesıe tarıhyńyzdy turaqty túrde tekserіp otyryńyz. Bul kúdіktі operatsııalardy ýaqytynda anyqtaýǵa kómektesedі. Eger alaıaqtyq áreketterdі baıqasańyz, bіrden polıtsııaǵa habarlasyńyz. Banktіk qosymshalarda qaýіpsіzdіk deńgeıіn arttyrý úshіn ekі faktorly aýtentıfıkatsııany qosyńyz», - dedі polıtsııa ókіlderі.