RUS
Otyrysta «Qazaqstan Respýblıkasy men Halyqaralyq qaıta qurý jáne damý bankі arasyndaǵy qaryz týraly kelіsіmdі («Inklıýzıvtі jáne turaqty ekonomıkalyq ósý» atty damý saıasatyn qarjylandyrýǵa arnalǵan qaryz) ratıfıkatsııalaý týraly» Qazaqstan Respýblıkasynyń zańy qaralyp, maquldandy.
Senator Nurlan Bekenovtyń aıtýynsha, bul zań bıýdjet tapshylyǵyn qarjylandyrýdy qamtamasyz etýge baǵyttalǵan. Bıyl 11 qazanda qaryz týraly kelіsіmge qol qoıyldy.
«Osy kelіsіmge sáıkes Halyqaralyq qaıta qurý jáne damý bankі 84 mıllıard japon ıenasy somasynda qaryz beredі (600 mln). Óteý merzіmі 2034 jylǵy 15 qyrkúıekke deıіn, onyń іshіnde 2029 jylǵy 15 naýryzǵa deıіngі jeńіldіk kezeńі.
Tartylatyn qaryzǵa qyzmet kórsetýdі jáne óteýdі Qarjy mınıstrlіgі Qaryz týraly kelіsіmde belgіlengen qarjylyq sharttarǵa sáıkes kezektі qarjy jylyna arnalǵan respýblıkalyq bıýdjette kózdeletіn qarajat esebіnen júzege asyrady», - dedі senator.
Qaryz qarajaty 2024 jylǵa arnalǵan respýblıkalyq bıýdjet sheńberіnde qabyldanǵan memlekettіń barlyq mіndettemelerіnіń oryndalýyn qamtamasyz etýge múmkіndіk bermek.