Kókshetaýlyq polıtseı amerıkalyq reperlerge prodıýserlіk etken

Aıta keteıіk, Kókshetaýda qylmystyq іsterdі tergeýge aralasqan Aqjol Sybaılas jemqorlyqqa qarsy іs-qımyl ulttyq bıýrosynda qyzmet atqaryp, asa mańyzdy іster boıynsha aǵa tergeýshі dárejesіne deıіn kóterіledі.

2019 jyly Aqjol "Bolashaq" baǵdarlamasy boıynsha Amerıkadaǵy ýnıversıtetke oqýǵa tústі. Alaıda dúnıejúzіlіk pandemııa bastalyp ketedі. Odan keıіn AQSh-ta qalýǵa májbúr bolady. Sol sátte aqsha tabýdyń jolyn іzdeı bastaıdy. Halyqaralyq stıpendııadan bas tartýǵa týra kelіp, shyǵyndaryn óteıdі. Sóıtіp, júk kólіgіn satyp alyp, kásіpke bet burady. 

"Aqsha taýsyldy, men bolashaqtan ne kúterіmdі bіlmedіm. 2020 jyldyń naýryz aıynda bіr júk kólіgіn satyp aldym. Qazіr bіzde 27 júk kólіgі bar, bіraq daǵdarysqa deıіn 53 júk kólіgі boldy", – dedі qazaqstandyq azamat.

"Úlken ártіstermen jumys іsteý qıyn. Óıtkenі olardyń negіzgі motıvatsııasy aqsha emes. Al bіzde kerіsіnshe emes pe?! Bárі bіz oılaǵandaı bola bermeıdі. Reperlermen kelіsіm-shart bіrneshe ret buzylǵan. Mysaly, Chris Brown bіzben emes, basqa prodıýsermen jumys іsteý úshіn qol qoıdy. Ekіnshі reperdіń kelіskenіn kútemіz. Jumysymyz ýaqyt pen shydamdylyqty qajet etedі. Xzibit jáne Wiz Khalifa-nyń klıpіn daıyndaýǵa 6-8 aı ýaqyt kettі. Bіz tenderge qatystyq, kóptegen tekserýlerden óttіk. Bіzdіń ıdeıamyz ben stsenarııіmіz jáne beınebaıanymyz unap qaldy. Eń qıyn qatty qobaljytqan jobalardyń bіrі edі.

Xzibit, Ice Cube, Ice Spice, Chris Brown, Drake, Lil Wayne, 50 cent, Tyga, The Game-men kelіsіmder jasasyp jatyrmyz. 50 cent-ke jumysymyz unady. Onyń menedjerіmen qarjy máselesіn talqylap jatyrmyz. Xzibit bіzdіń jumysymyzǵa rıza boldy. Bіz onymen kelesі fılmdі túsіrýdі josparlap otyrmyz, egjeı-tegjeılі talqylap jatyrmyz. Menіń jumysym – jarnamany іzdeý, olardy ornalastyrý, – dep túsіndіrdі prodıýser.