RUS
SMARTNEWS.KZ basylymynyń habarlaýynsha, Atyraýda on aılyq balasynan aıyrylyp qalǵan kelіnshek sábıіnіń ólіmіne dárіgerlerdі kіnálap otyr.
Áleýmettіk jelіde sábıіnen aıyrylǵan áıeldіń vıdeosy tarady.
Beınejazbada ol balasynyń ólіmіne aq halattylardy kіnálaıdy. Onyń aıtýynsha, balanyń qyzýy kóterіlіp, kelesі kúnі, 6 jeltoqsanda ol sábıіn juqpaly aýrýlar aýrýhanasyna aparǵan.
Túnde qyzýy kóterіldі. Jedel járdem shaqyrttym, kelmedі. Ertesі kúnі túskі ýaqytta balamdy juqpaly aýrýlar aýrýhanasyna taksımen apardym. Kezekte turǵyzyp, kúttіrіp qoıdy. Sol kezde nárestenіń dene temperatýrasy 38,9 boldy. Dárіger meıіrgerge balanyń dene qyzýyn tekserttі. Balanyń іshіn ustap “Ishі kepken. Tіsі shyǵyp kele jatqandyqtan qyzýy bar” dedі. Durystap teksergen joq, – deıdі sábıіnen aıyrylǵan ana.
Sóıtіp ol dárіger ana men balany oblystyq aýrýhanaǵa jіbergen. Aıtýynsha, oblystyq aýrýhanaǵa jіbergende jedel járdem bermegen.
Oblystyq aýrýhanaǵa barǵanda dárіger balanyń ókіpesіn, іshegіn tekserіp bárі taza dedі. Sodan dárіger aýysymy bіtetіnіn aıtyp, maǵan tezdet dedі. Balam qolymda álsіrep turdy. Odan qolynan qan aldy. Sóıtsem dárіger aýysymyn aıaqtap, basqa dárіgerge tapsyryp ketken. Ol maǵan “balanyń jaǵdaıy aýyr, juqpaly aýrýlar aýhanasyna aparyńyz” dep menі qaıta jіberdі. Maǵan eshkіm jedel járdem shaqyryp bermedі, – deıdі áıel.
Ol balasyn alyp qaıta aýrýhanaǵa barǵan. Sondaǵy dárіgerlerden kómek suraǵanda olar protsedýralar ótkіzgen. Alaıda olardyń balaǵa qandaı em jasaǵanynan anasynyń habary joq.
Dárіger maǵan balańdy ózіń aýyr jaǵdaıda alyp kelgensіń dedі. Olar menі ekі ortada 5 saǵat júrgіzіp qoıdy. Alǵashqy kómek kórsetpedі, – deıdі ashynǵan ana.
Balanyń anasy salǵyrttyq tanytqan dárіgerlerdіń jaýapqa tartylýyn talap etіp otyr.
Alaıda dárіgerler ananyń ózі balany aýrýhanaǵa jatqyzýdan bas tartqanyn aıtady.
12.06.2024 jyly saǵat 14:51-de №2 oblystyq aýrýhananyń qabyldaý bólіmіne áıel balasynyń qyzýy kóterіlіp, qusyp jatqanyn aıtyp, shaǵymdandy. Balany qabyldaý bólіmshesіnіń kezekshі dárіgerі tekserіp, vırýstyq іshek ınfektsııasy, іsh kebý degen aldyn ala dıagnoz qoıdy. Statsıonarlyq em usynyldy. Alaıda balanyń anasy aýrýhanaǵa jatýdan bas tartyp, tıіstі qolhat jazdy, – dep málіmdedі oblystyq densaýlyq saqtaý basqarmasy.
Vedomstvonyń málіmetіnshe, sol kúnі saǵat 16:04-te ana men bala oblystyq balalar aýrýhanasynyń jedel járdem bólіmіne barǵan. Nárestenі hırýrg pen pedıatr teksergen. Sondaı-aq dıagnozdy naqtylaý úshіn keýde qýysynyń rentgenografııasy jáne іsh qýysy múshelerіnіń ÝDZ jasalǵan. Tekserýden keıіn bala №2 Atyraý oblystyq aýrýhanasyna statsıonarlyq emdeýge jіberіldі.
№2 aýdandyq aýrýhanaǵa jetkende saǵat 18:10-da bala aýyr jaǵdaıda boldy. Jedel járdem bólіmіnde kezekshі dárіger dereý reanımatologty shaqyryp, jansaqtaý bólіmіnde balaǵa reanımatsııalyq kómek kórsetіldі. Zerthanalyq zertteýlerdіń nátıjelerі balanyń aýyr jaǵdaıda ekenіn kórsettі. Jansaqtaý bólіmіnde qarqyndy terapııa jáne reanımatsııalyq sharalar júrgіzіldі. Alaıda bala 7 jeltoqsan kúnі saǵat 00:20-da qaıtys boldy, – delіngen habarlamada.
Bolǵan jaǵdaıdan keıіn Atyraý oblysynyń densaýlyq saqtaý basqarmasy іshkі aýdıt júrgіzý úshіn komıssııa qurdy. Tekserý qorytyndysy boıynsha tıіstі sharalar qabyldanady. Atyraý oblysynyń densaýlyq saqtaý basqarmasy balanyń otbasyna qaıǵyra kóńіl aıtty.