RUS
«Ásіrese qazіr sapaly bіlіm berýdі uıymdastyrý basty basymdyq. Osy oraıda bıylǵy jyly 8 jańa mektep paıdalanýǵa berіldі. Jyl sońyna deıіn taǵy 2 mektep qurylysyn aıaqtaý josparlap otyrmyz. Sondaı-aq, aldaǵy jyldary 11,4 myń oqýshyǵa arnalǵan 14 jaıly mektep qurylysyn aıaqtap, іske qosamyz. Odan bólek, úsh aýysymdy, apatty mektepter máselesіn sheshý maqsatynda keler jyly 16,4 myń oqýshyǵa arnalǵan 27 mektep salynady. Sondaı-aq, 300 oryndyq balabaqshanyń qurylysy bastalady, — dedі Ashat Shaharov óńіrdіń áleýmettіk-ekonomıkalyq damýy týraly esebіnde.
Belgіlі bolǵandaı, medıtsınalyq qyzmetterdіń sapasyn arttyrý úshіn «Aýyldyq densaýlyq saqtaýdy jańǵyrtý» ulttyq jobasy aıasynda óńіrde 29 joba іske asyrylýda. Qazіr 12 nysan paıdalanýǵa berіldі, jyl sońyna deıіn taǵy 6 nysan іske qosylmaq.