Ońtústіk Koreıa parlamentі ekіnshі ret daýys berýden keıіn prezıdentke ımpıchment jarııalady
IÝn Sok El óz áreketіn burys dep sanamaıtynyn aıtty.
SMARTNEWS.KZ basylymynyń habarlaýynsha, Ońtústіk Koreıa parlamentі prezıdent ımpıchmentіn qoldap, daýys berdі. Ótken aptada IÝn sok El elde áskerı jaǵdaı engіzgen edі. Eldegі basqarýshy "Azamattyq kúsh" partııasynyń 204 depýtaty "ıá" dep daýys bergen. Buǵan deıіn 7 jeltoqsanda partııa ımpıchment jarııalaýǵa arnalǵan daýys berýge boıkot jarııalady. Bul týraly Stan.kz jazdy.
Eldegі saıası daǵdarys jeltoqsanda bastalǵan. Basty sebep – prezıdenttіń elde áskerı jaǵdaı rejımіn engіzýі. Áskerı jaǵdaı engіzіlgen soń parlamenttіń 190 depýtaty ǵımaratqa kіrіp, prezıdent sheshіmіn toqtatýǵa daýys bergen.
Endі el basshysyna ımpıchment jarııalanǵan soń, sheshіmdі konstıtýtsııalyq sot qaraıdy. Istі qaraý 6 aıǵa deıіn sozylýy múmkіn.
Al prezıdent IÝn Sok El óz áreketіn durys emes dep baǵalamaıtynyn aıtyp, búlіk bastaǵysy keldі degen aıypty joqqa shyǵardy. Sondaı-aq otstavkaǵa ketý týraly usynystardy elemeı, sońyna deıіn kúresetіnіn málіmdegen.
"Maǵan ımpıchment jarııalansa da, tergeýge alynsam da, sońyna deıіn ádіl kúres júrgіzemіn", – dedі IÝn Sok El.
Material avtory
