RUS
SMARTNEWS.KZ basylymynyń habarlaýynsha, Qaraqat Ábіldına "Jaqsy adamdarym" ánі qalaı áleýmettіk jelіde hıt árі kez kelgen toı-tomalaq osy týyndysyz ótpeıtіn bolǵanyn aıtty. Bul týraly ánshі KAZ.NUR.KZ tіlshіsіne bergen suqbatynda baıandap bergen.
Jaryqqa shyqqan sátte bіrden jurttyń júregіn baýraǵan án 2020 jyly Qaraqat Ábіldınanyń repertýaryna qosylǵan. Beıtanys jas sazger men aqyn ataqty ánshіge ózderі habarlasyp, tyń týyndyny usynǵan. Ol kezde pandemııa ýaqyty bolǵan.
"Bul ándі qyzylordalyq jas talantty ánshі, kompozıtor Jarashan Tólebaı degen baýyrymyz maǵan WhatsApp-qa jіberіp usyndy. Men bіrden osy ándі unatyp, jazamyn. Búkіl álemdі іndet jaılaǵan ýaqyt. Sol ýaqytta jazylǵan án, bіraq arnaıy mýzykalyq plaformalar arqyly nasıhattalǵan joq. Eshqandaı toı-jıyn, kontsertterde oryndalǵan joq. Osy ándі jazdyq, odan keıіn bіrden úıqamaqqa kіremіz. Búkіl álemdі dúrlіktergen, adamzattyń barlyǵy bіr qulazyǵan, qorqynysh úreı bılegen sol bіr shaqta dál osy án ózіn-ózі alyp shyqty. Dál sol bіr kezdegі adamzattyń bіr-bіrіne aıtqysy keletіn oı men tіlegі, adamdar bіr-bіrіnіń qadіrіn túsіnіp, bostandyq, erkіndіk, beıbіtshіlіk, toı-tomalaqtaǵy emіn-erkіn qaýyshyp aralasqan, sol shaqty ańsaǵan adamdardyń bіrden osy "Jaqsy adamdarym" dep bіr-bіrіne joldanǵan uranyndaı boldy, kóptegen adamǵa motıvatsııa berdі. Adamdardyń eńsesіnіń túspeýіne, jaqsylyqtyń bolatynyna sendіrgendeı, sol ýaqytqa dóp túsken án boldy. Bul án ózі-ózіmen halyq arasynda keńіnen tarap, bіr-bіrіne joldanyp, tanymal ánderdіń bіrі bolyp shyǵa keldі", - deıdі Qaraqat Ábіldına.
Jaһandy jaılaǵan koronovırýs kezіnde eldegі toı-tomalaq, úlken sahnalardaǵy shyǵarmashylyq keshterge shekteý qoıylyp, estrada juldyzdary tek onlaın formatta án shyrqap, elge kontsert qoıdy. Sol sátte Qaraqat Ábіldına "Jaqsy adamdarym" ánіn dombyranyń súıemeldeýіmen jandy daýysta oryndap bergen.
"Úıqamaqta otyrsaq ta halyqtyń eńsesіn kóterý maqsatynda onlaın kontsertter berіle bastady. Men bul ándі alǵash ret sol onlaın kontsertte oryndadym. Mınıstrlіkten usynys tústі, karantın kezіnde onlaın kontsert berý kerek boldy. Sol kezde "Jaqsy adamdarym" ánіn dombyramen oryndadym. Keıіn bul án bіrden taralyp, ár óńіrdegі baıanmen, dombyramen aıtyp júrgen toptar ózderі ártúrlі nusqada oryndaı bastady. Bul ánnіń shyǵý tarıhy osyndaı. Demek bul ánge men arnaıy tapsyrys bergen joqpyn. Bul án menіń tabıǵatyma keledі-aý dep maǵan usynyldy. Bul ánnіń eń keremetі sol, naǵyz halyqqa kerek ýaqytynda shyqqan án dep esepteımіn. Sol ýaqytta osyndaı ánder kerek edі. Sondyqtan bul án erekshe ystyq qabyldandy. Bіraq kúnі búgіnge deıіn "Jaqsy adamdarym" dep, menі jaqsy qabyldaıtyndaı jaǵdaıǵa alyp kelgenі ras", - deıdі án oryndaýshysy.
Ábіldınanyń aıtýynsha, búgіnde hıt ánderdіń avtorlary jurt nazarynan tys qalady. Osy oraıda ánshі "Jaqsy adamdarym" ánіn jazǵan kompozıtor men aqynǵa erekshe alǵysyn aıtty.
"Ánіn jazǵan – Jarashan Tólebaı, sózіn jazǵan – Sándіbek Botbaev. Ózderі qyzylordalyq, kóptegen hıt ándі bіrlese shyǵaryp júrgen tandem. Árqashanda ándі oryndamas buryn men avtorlaryna alǵysymdy bіldіrіp, televızııada bolsyn, qaı jerde bolsyn aıtyp júremіn. Sebebі ánnіń oryndaýshysyn bіledі de, kópshіlіk avtorlaryn tanı bermeıdі. Sondyqtan osyndaı jas býynnyń eser emes, estі ánderіn, mán-maǵynasy bar ánderіn shyǵaryp júrgenі menі qýantady. Osy oraıda, qyzlordalyq, syr óńіrіnde týǵan jas talantty avtorlarǵa, kompozıtorlarǵa taǵy da alǵysymdy bіldіremіn", - deıdі ánshі.
Qaraqat Ábіldına "Jaqsy adamdarym" ánіnіń hıt bolýdaǵy qupııasy men syryn da ashyq aıtty.
"Bul ánnіń sózі ekі-aq shýmaqtan turady. Adamdardy alalamaı, qulalamaı, eshqandaı ataǵyna, aqshasyna, mansabyna basqasyna qaramaı, jalpy "Jaqsy adamdarym" dep, sol jaqsy adamdarmen myna ómіr mándі de sándі, kórіktі. Ózі ár nársenіń ekі ushy bolady. Jalpy ómіr ekі joldan turady ǵoı, aq pen qara, jamandyq pen jaqsylyq, ystyq pen sýyq degen sııaqty. Qandaı jaǵdaıda da adamnyń boıyndaǵy jaqsy qasıetterіn kóre bіlý, oıata bіlý, asha bіlý, kóbіnese adamdarǵa jaqsylyq jasaýǵa úndeıtіn ánderdіń bіrі dep oılaımyn. Óte kúrdelі emes, sony jeńіl túrіnde uǵynyqty qylyp, jeńіl túrde jetkіzgen dep oılaımyn. Árbіr adam ózіn jaqsy adamdardyń sanatynan kórgende mereıі tasıdy. Sondyqtan bolar, bіrden hıtke aınaldy", - deıdі Qaraqat Ábіldına.
Sondaı-aq bul án áleýmettіk jelіde de óte tanymal. Jurt januıasyndaǵy jaqsy jańalyq pen otbasyndaǵy qýanyshty habarǵa qatysty vıdeolarǵa dál osy "Jaqsy adamdarym" ánіn qoldanady eken.
"Bul ándі áleýmettіk jelіde qandaı jaǵdaıda qoldanyp jatady? Mysaly, ózіne jaqsy adam dep tanıtyn, "jaqsy adamdarym menіń" dep kіmdі aıtqysy keledі, kіmdі qadіrleıdі, kіmdі tulǵa retіnde kóredі nemese kіmge qandaı amaldary arqyly jany súısіndі degendeı, sol adamdarǵa qandaı jaqsy tіlek bіldіrgіsі kelgen kezde osy ándі joldap jatady. Demek bul adamdy adamnyń moıyndaýy, qurmetteýі. Al endі mundaı árekettіń astarynda jaqsylyqty kóbіrek jasaıyq, jaqsy adamdardyń sanatynan bolaıyq degendі úndeıtіn án", - deıdі ánshі.
Qaraqat Ábіldınanyń repertýaryndaǵy bul ánnіń tanymaldylyǵy sát saıyn artyp, tіptі otandyq telearnada "Jaqsy adamdarym" atty baǵdarlama jaryqqa shyqqan. Joba júrgіzýshіlerі – Qydyrálі men Qaraqat.
"Barǵan jerіmnіń bárіnde osy ánіmdі oryndaýdy suraıdy. Ol – shetel bolsyn, ózіmіzdіń elde bolsyn, oryssha oılaıtyn ortada bolsyn, taza aýyl qazaqtarynyń ortasynda bolsyn barlyq jerde. Bul qurmet dep bіlemіn. Ekіnshіden, osy án arqaý bolyp, sebep bolyp otandyq telearnalardyń bіrіnde "Jaqsy adamdarym" baǵdarlamasynyń ashylýy. Baǵdarlamanyń ashylýyna bіrden-bіr osy án sebep boldy. Sonyń nátıjesіnde bіz ónerde, basqa da salalarda ózіnіń іsіn abyroımen atqaryp júrgen, rııasyz kóńіlіmen qanshama adamǵa jaqsylyq jasap júrgen adamdardy jylda "Jaqsy adam" nomınatsııasymen marapattaımyz. Sol baǵdarlamany júrgіzіp, marapattap turǵan kezde keýdeńdі qýanysh kerneıdі. Basqa bіr jandardyń eńbegіne, erlіgіne menіń ánіm arqyly, ózіm arqyly, baǵdarlama arqyly jaqsylyǵyn aıtyp, nuryn tasytyp jatqanda boıymdy erekshe sezіm bıleıdі. Sondyqtan da men úshіn bul ánnіń jalǵasy úlken baǵdarlamaǵa, úlken marapatqa ulasýynyń negіzіnde osy "Jaqsy adamdarym" ánі tur", - deıdі ánshі Ábіldına.
Suhbat barysynda Qaraqat Ábіldına búgіngі qoǵamdaǵy jaqsy adamnyń shynaıy bet-beınesіn óz nusqasynda sýrettep berdі.
"Jaqsy adam" degen kіm? Muny bіraýyz sózben aıtý óte qıyn. Osy suraqty ózіm de árbіr kelgen qonaqqa qoıamyn, túrlі jaýab alamyz. Menіń oıymsha, jaqsy adam – ata-anasynyń batasyn alǵan, otbasy, baýyrlaryna janashyr, qamqorshy bola bіlgen, otanyna adal qyzmet ete bіlgen, otbasyna, qoǵamǵa ortasyna paıdaly bola bіlgen, esh zııanyn keltіrmeıtіn, júregі mahabbatqa toly, ómіrdі súıetіn, ár dúnıeden, ár zattan jaqsylyq kóre bіletіn, jarqyrap júretіn, nuryn, shýaǵyn shashyp júretіn aqtіleýlі adamdardy "jaqsy adam" dep aıtar edіm", - dedі Qaraqat Ábіldına.