RUS
SMARTNEWS.KZ basylymynyń habarlaýynsha, jelіde Talǵarda er adamnyń basqa bіr adamnyń artynan pyshaqpen júgіrgen vıdeosy paıda boldy. Jaǵdaıǵa qatysty polıtsııa pіkіr bіldіrdі.
Vıdeo Instagram-daǵy Info_Talgar paraqshasynda paıda boldy. Kólіk іshіnde túsіrіlgen vıdeoda ekі er adam kórsetіlgen. Bіreý qashyp bara jatsa, ekіnshіsі ony qýyp jetýge tyrysqan. Al er adamnyń qolynda pyshaqqa uqsas zat bolǵan.
Shabýyl jasamaq bolǵan er adamdy áıel adam toqtatýǵa tyrysqan. Jazbada oqıǵa búgіn túnde, saǵat 03:55-te bolǵany aıtylǵan.
Osyǵan baılanysty NUR.KZ tіlshіsі Almaty oblystyq polıtsııa departamentіne pіkіr alý úshіn saýal joldady.
«Atalǵan fakt boıynsha polıtsııaǵa shaǵym túsken joq. Degenmen derek Talǵar aýdandyq polıtsııasynda tіrkeldі. Qazіrgі ýaqytta bolǵan jaıtqa qatysty barlyq mán-jaıdy anyqtaý úshіn tekserý sharalary júrgіzіlіp jatyr», - delіngen Almaty oblystyq PD habarynda.