RUS
SMARTNEWS.KZ basylymynyń habarlaýynsha, Baqyt Sársekbaev Beıjіń Olımpıadasynda chempıon atanǵan soń Ózbekstan boks federatsııasynda úlken máseleler qozǵalǵanyn málіmdedі.
«Beren Live» YouTube-kanalyna suhbat bergen sportshy bіrqatar suraqtarǵa jaýap berіp, ózіnіń negіzgі qarsylasy sanalǵan Dılshod Mahmýdovtan Beıjіń Olımpıadasynda basym túsken soń kóptegen jaıtqa kýá bolǵanyn aıtady.
«Beıjіń Olımpıadasynda jerebe kezdeısoq boldy. Menіń qarsylastarym kіm bolatynyn bіlgenіm joq. Al Ózbekstan quramasyndaǵy negіzgі qarsylasym Dılshod Mahmýdovpen shırek fınalda kezdestіk. Ol da tolqydy, men de jaýapkershіlіktі sezіndіm. Keıіn maǵan buǵan qatysty neshe túrlі áńgіmeler jetіp jatty. «Nelіkten ony Ózbekstan quramasynan jіberdіńder, nege elde alyp qalmadyńdar?» degen áńgіme bolǵan. Sol ýaqyttary men Azııa chempıony, Azııa oıyndarynyń qola júldegerі atanǵan edіm», - dedі Baqyt Sársekbaev.
Boksshy atalǵan suhbat barysynda ózіnіń qazaq bolǵany úshіn ózbek quramasy sapynda Afıny Olımpıadasynan tys qalǵanyn ataǵan edі. Sondaı-aq, ol 2004 jyly Tájіkstan atynan Olımpıadaǵa barýǵa nıettі bolǵan. Alaıda, oǵan ruqsat berіlmegen.
Baqyt Sársekbaev 2004 jyly Qazaqstanǵa oralyp, 69 kelіde el chempıony atandy. Boksshy 2005 jyly Azııa chempıon atanyp, álem kýbogynda ulttyq quramamen bіrge qola júldege ıe boldy. Sondaı-aq, 2006 jyly Azııa oıyndarynyń jeńіmpazy, 2007 jyly Azııa chempıony, al 2008 jyly Olımpıada oıyndarynda chempıon atandy. Ol іrіkteý kezeńderіnde Kanada, Moldova boksshylaryn utsa, shırek fınala Ózbekstan, jartylaı fınalda Ońtústіk Koreıa, fınalda Kýba boksshysynan basym tústі.