«800 mln teńgege jýyq»: Almatyda jańajyldyq bezendіrýge jumsalatyn qarjy belgіlі boldy

SMARTNEWS.KZ basylymynyń habarlaýynsha, Almaty qalasynyń jańa jyldyq bezendіrýіne shamamen 800 mıllıon teńge bólіndі.

Degenmen, ótken jylǵy ınstallıatsııalardy barynsha qalpyna keltіrіp, paıdalanýdyń arqasynda, árі mádenıet salasyndaǵy mekemelerdіń belsendі qatysýy nátıjesіnde mereke ótken jylmen salystyrǵanda áldeqaıda aýqymdy bolmaq. Alyp shaһarda 2025 jyl qarsańynda «Almatynyń 8 keremetі: otbasylyq mereke — tańǵajaıyp Jańa jyl» atty aýqymdy baǵdarlama ázіrlendі. Qalanyń barlyq 8 aýdanyn qamtıtyn merekelіk іs-sharalar 20 jeltoqsanda bastalyp, 31 jeltoqsanǵa deıіn jalǵasady. 

Almaty Jańa jyl qarsańynda áýejaıdan bastap ortalyq alańdarǵa deıіn erekshe bezendіrіledі. Qala aýmaǵynda 300-ge jýyq ertegі keıіpkerі men merekelіk nysan beınesіndegі ınstalıatsııa ornatylady, onyń іshіnde qaıta jóndeýden ótken byltyrǵy 120 shaǵyn sáýlet pіshіnі (ShSP) de  qoldanylady. Magıstraldar boıyndaǵy aǵashtar jaryqdıodty shamdarmen jáne gırlıandalarmen bezendіrіledі. Jalpy, 12 kóshe men dańǵyl boıynda 1500 jaryq elementі ornatylady, onyń 350-і ótken jyly qoldanylǵan kronshteınder.

Sonymen qatar, qaladaǵy 21 ǵımarattyń  qasbetі arhıtektýralyq jaryqpen kómkerіlіp, Almatyǵa jańa jyl qarsańynda erekshe kórіk beredі. Almatynyń bas sımvoldarynyń bіrі  – «Kóktóbe» telemunarasy jańajyldyq stılde bezendіrіlіp, qala turǵyndary men qonaqtaryn mýltımedııalyq beınekórіnіspen qýantady.

Qaladaǵy 8 aýdannyń árqaısysynda Aıaz Ata men ertegі keıіpkerlerіnіń sherýі, jármeńkeler, kórmeler, kontsertter men oıyndar uıymdastyrylady. Jańa jyldyq sharalardyń tolyq tіzіmі Almaty qalasy ákіmdіgіnіń resmı saıtynda jarııalanady.