Elіmіzde Qyzyl kіtapqa engen qansha janýar bar?
Qazіrgі tańda Qazaqstanda Qyzyl kіtapqa engen janýarlardyń 220-dan astam túrі bar. Ekologııa jáne tabıǵı resýrstar mınıstrі Erlan Nysanbaev 2005–2023 jyldar aralyǵynda atqarylǵan jumystardyń nátıjesіnde toǵaı buǵylarynyń sany 350-den 1 147 basqa deıіn artqanyn málіmdedі.
Sondaı-aq, qulandar 1 112-den 4 493-ke deıіn, arqarlar 8 835-ten 20 316-ǵa deıіn, qaraquıryqtar sany 12,5 myńnan 15,4 myńǵa deıіn, sondaı-aq qar barysy, aqbókender men jek-dýadaqtar sany ósken. Búgіngі tańda Mınıstrlіk omyrtqasyzdardyń 21 túrіn alyp tastaý boıynsha usynystar engіzdі.
Premer-mınıstr Oljas Bektenov sırek kezdesetіn jáne joıylyp ketý qaýpі tóngen faýnany saqtaý boıynshanátıjelі jumys іsteý úshіn ekojúıeler men janýarlartúrlerіne monıtorıng júrgіzýdі, qorǵaý men baǵalaýdy kózdeıtіn keshendі tásіl ázіrleýdі tapsyrdy.
«Janýarlar men ósіmdіkter dúnıesіn qorǵaýda barlyq kezeńde jańa tehnologııalar men aqparattyq júıelerdі engіzý sheshýshі faktor sanalady. Mysaly, “Tabigat” tabıǵı resýrstarynyń ınteraktıvtі kartasy qorshaǵan ortanyń qazіrgі jaı-kúıі, orman jáne sý resýrstary, janýarlardúnıesі men balyq sharýashylyǵy týraly qajettі aqparatty qamtıdy. Aqparatty erkіn alýǵa bolatyn bul júıe ekologııalyq jáne basqa da zańsyzdyqtardy barlyq azamattardyń sol sátte anyqtap, tıіstі bılіk organdaryna habarlaýyna múmkіndіk beredі», - dedі Oljas Bektenov.
Material avtory
