RUS
Premer-mınıstrdіń orynbasary – Ulttyq Ekonomıka mınıstrі Nurlan Baıbazarov zań jobasyn ázіrlegen kezde Anglııa, Italııa, Ózbekstan, Ázіrbaıjan sııaqty elderdіń tájіrıbesі negіzge alynǵanyn aıtty.
Zań jobasy arqyly Túrkіstan qalasynyń ákіmdіgі men máslıhatyna qosymsha 34 quzyrettі berý kózdelgen.
Onyń іshіnde qala máslıhatyna qalanyń dızaın kodyn belgіlep, qala qurylysyn josparlaý qaǵıdalaryn bekіtý quzyretі berіlmek. Qalada jumys іsteıtіn ulttyq qolóner sheberlerіnіń shyǵynyn іshіnara bıýdjetten óteý qaǵıdalaryn belgіleý de jergіlіktі máslıhatqa júktelmek.
Al qala ákіmdіgіne kesene aınalasyndaǵy qurylys standarttaryn belgіleý quzyretі berіlmek.
Nurlan Baıbazarov osy zańdy іske asyrý úshіn ózge zańdardy osy normatıvtіk qujattyń talaptarymen sáıkestendіrý qajettіgіn aıtty. Ilespe zań Jer kodeksіne, «QR sáýlet, qala qurylysy jáne qurylys qyzmetі týraly», «Tarıhı-mádenı mura obektіlerіn qorǵaý jáne paıdalaný týraly», «QR týrıstіk qyzmet týraly» zańdarǵa ózgertýler men tolyqtyrýlar engіzýge arnalady.