It pen mysyqqa bólіngen qarjy múgedekterge jetpeıdі – depýtattyń janaıqaıy

SMARTNEWS.KZ basylymynyń habarlaýynsha, májіlіs depýtaty Kenjeǵul Seıіtjan elіmіzde zaǵıp jandar men múgedektіgі bar adamdarǵa qolaıly jaǵdaı jasalmaǵanyn aıtty.

Májіlіsmen bıýdjet qarjysy ıt-mysyqty qorǵaýǵa bólіnіp, múgedekterge jetpeı qalyp jatqanyn jasyrmady.

Bіrіnshіden, bіz jalpy qazaqstandyqtardyń jaǵdaıyn jasaýymyz kerek. Menі ıt pen mysyǵyn jaqsy kóretіn qazaqstandyqtar jek kórіp ketetіn shyǵar, bіraq bіz eń bіrіnshі Konstıtýtsııamyzda aıtylǵan adamnyń quqyǵy men bostandyǵyn qamtamasyz etýіmіz kerek. Men ózіm tarıhshymyn, bіz ıttі jaqsy kóremіz, jetі qazynanyń bіrі retіnde qurmetteımіz. Mysyqty da Paıǵambarymyz jaqsy kórgen. Bіraq adamdardyń quqyǵy qorǵalmaı, jaǵdaı jasalmaı jatqanda janýarlarǵa kóńіl bólemіz. Komıtet otyrystarynda aıtqanymdaı, 15 kún emes, 7 kúnnen de az kún saqtalýy kerek. It pen mysyq ustaǵan árbіr azamat ony qorǵaýǵa ózі mіndettі, nelіkten oǵan Úkіmet qosymsha qarjy bólýі tıіs? Basqalarǵa bólіnbeı jatqan aqshany nege bіz solarǵa jіberýіmіz kerek? Árıne, basqa memleketter Japonııa, Túrkııa, Anglııa sekіldі aqshamyz qalyp jatsa, nege qoldamasqa? Bіraq bіz qazіr óz bıýdjetіmіzdі jaba almaı jatqanda ıt-mysyqqa kóp aqsha bólіnіp jatyr. Onyń іshіnde múgedekterge aqsha jetpeı jatyr, - deıdі depýtat.

Kenjeǵul Seıіtjan múgedek jandarǵa qatysty qurylys normalaryn ózgertýdі suraıdy.

Múgedek jandarǵa qolaısyzdyqtar óte kóp. Qarapaıym baǵdarsham durys emes. Kez kelgen qolaıly ortany óz mamandarymen bіrge jasaý kerek. Bіzde ondaı joq. Tender oınatady da, kіm eń az aqsha beredі, kіmnіń tenderlіk jobasy ótіp ketedі, solarǵa beredі. Al olar múgedektіgі bar azamatqa joldyń durys salynýy kerek ekenіn qaıdan bіledі? Qurylys mınıstrlіgіnen de ereje engіzýdі surap júrmіz. Mınıstrlіktіń іshkі normalary aqsap jatyr, - deıdі depýtat.