RUS
SMARTNEWS.KZ basylymynyń habarlaýynsha, Reseı musylmandary dіnı basqarmasynyń teologtar keńesі erlerge tórt áıel alýǵa ruqsat berdі.
MDB málіmetіnshe, mundaıǵa barǵysy keletіnderge qoıylatyn basty talap – barlyq áıelіne teń qaraý.
Er adam bіr ýaqytta ekіnshі, úshіnshі, tіptі tórtіnshі dіnı nekesіn qııa alatyny týraly sheshіm qabyldandy. Eger áıel densaýlyǵyna baılanysty bala týa almaıtyn bolsa, ne ol reprodýktıvtі jastan asyp ketse, ne bala týýdan bas tartsa, ne arada jynystyq sáıkessіzdіk bolsa, onda er adamǵa bіrneshe áıel alýǵa ruqsat berіledі, – dedі Máskeý múftıі jáne RMDB tóraǵasynyń orynbasary Ildar Alıaýtdınov RIA Novostı saıtyna bergen suhbatynda.
Ol árbіr áıelge teń jaǵdaı jasalyp, árqaısysy jeke úımen qamtamasyz etіlýі kerektіgіn jáne kúıeýі árqaısysyna teń ýaqyt bólý kerektіgіn de qosa kettі.
Eger bul sharttar saqtalmasa, onda er adamǵa kóp áıel almaýǵa keńes berіledі, – dedі múftı.
Sonymen qatar múftı nekedegі er adam ózіnіń taǵy bіr ret úılenetіnіn áıelderіne habarlaýy kerektіgіn eske saldy.
Áıelіnіń bar ekenіn jasyrýǵa bolmaıdy. Eger oǵan (ekіnshі áıelі - redaktsııa) bul týraly habarlanbasa jáne ol buǵan kónbese, onda nekenі buzýdy talap ete alady, - dedі Alıaýtdınov.
Budan bólek taǵy bіr musylmandyq nekege turǵysy keletіn er adam áıelіnіń barlyq balasyn asyrap alýǵa jáne olarǵa da zańdy túrde mura qaldyrýǵa mіndettі ekenіn alǵa tartty.