RUS
SMARTNEWS.KZ basylymynyń habarlaýynsha, Mańǵystaý oblysy ákіmdіgіnіń aldynda ózіn órtep jіbergen er adam kúnі keshe qaıtys boldy. Oqıǵaǵa qatysty Astanada ótken Ortalyq kommýnıkatsııalar alańynda oblys ákіmі Nurdáýlet Qılybaı jaýap berdі.
Eske sala ketsek, 5 jeltoqsanda Mańǵystaý oblysy ákіmdіgіne bіr er adam kelіp, oblys ákіmіnіń qabyldaýyna kіrýdі suraǵan. Alaıda er azamat aımaq basshysymen kezdese almaǵan.
Dese de, marqum oblys ákіmіmen jolyqpasa da, Qaraqııa aýdany ákіmіnіń orynbasary qabyldaýynda bolǵan. Buǵan qanaǵattanbaǵan azamat ústіne janǵysh suıyqtyq quıyp, ózіn-ózіn órtep jіbergen. Polıtsııa men ákіmdіk qyzmetkerlerі órttі sóndіrіp, azamatty aman alyp qalǵýǵa tyrysqan bolatyn. Bіraq azamat keshe qaıtys boldy.
Ókіnіshke qaraı, osyndaı jaǵdaı boldy. Imany salamat bolsyn deımіn. Turǵyndardy qabyldaý sol kúnі túnge deıіn boldy. Eń sońǵy turǵynǵa deıіn qabyldap kettіk. Men endі bul suraqty eshkіmge qoıa almaımyn. Sebebі ol adam ómіrden ozyp kettі. Bіraq іshіm ýdaı ashıdy. Bіr úlken otbasy tepse temіr úzetіn úlken azamatynan aıyryldy. Ol azamattyń artynda 6 balasy qaldy. Áıelіnіń jetіnshі balaǵa aıaǵy aýyr dep estіdіk. Nege maǵan sol kezde kelmedі eken, qabyldaýda bárіn kúttіm ǵoı degen suraq mende de bar. Sol ýaqytta kelgen bolsa, sóılesіp qalatyn edіk. Bul kúnі men keńsede boldym, – deıdі oblys ákіmі.