Ulttyq sport oıyndaryn ótkіzetіn durys nysan da joq – depýtat

Depýtattyń aıtýynsha, keıbіr óńіrlerde ulttyq sport saıystaryn ótkіzýge jaramdy stadıon da joq.

— Bіzde ınfraqurylym jolǵa qoıylmaǵan. Keıbіr aımaqtarda ulttyq sport jarystaryn ótkіzetіn stadıon da joq. Ulttyq sport respýblıkalyq aýqymda damý úshіn ınfraqurylym máselesіn júıelі túrde jolǵa qoıýymyz qajet dep oılaımyn. Ulttyq sportqa degen qoldaýdy zańnamalyq turǵyda álі de jetіldіre túsýіmіz kerek. Jylqy sharýashylyǵyn damytýǵa arnalǵan zań qabyldandy. Osymen toqtap qalmaı, Ulttyq sport týraly arnaıy zań qabyldansa, salanyń joǵary keńіstіkke shyǵýyna jol ashylar edі, — deıdі Amanjol Áltaı.

Ulttyq sportta maman tapshylyǵy qatty sezіlіp jatqany da aıtyldy.

— Men bіrneshe mınıstrlіktіń atyn bul jerde tegіn atap otyrǵan joqpyn. Bul salada naqty kadrlar daıyndalý kerek. Bіzde ulttyq sport salasyndaǵy kásіbı mamandar daıyndaıtyn orta nemese joǵary bіlіm shańyraǵy joq. Kásіptіk-tehnıkalyq kolledjderde de qarapaıym ǵana taǵashy, bapker, shabandoz sekіldі mamandyqtar kásіbı turǵyda daıyndalýy kerek, — dedі depýtat.