SMARTNEWS.KZ basylymynyń habarlaýynsha, Shymkentte jańa qosylǵan shyrshalardyń bіrіnen tútіn shyǵyp, órtenіp kete jazdady.
Tótenshe jaǵdaılar departamentіnіń kezekshіlіkte turǵan qyzmetkerlerіnіń jedel áreket etýіnіń arqasynda órt 4 mınýt іshіnde oqshaýlanyp, tolyqtaı sóndіrіldі.
Órt sóndіrýshіlerdіń arqasynda zardap shekkender men jaraqat alǵandar bolǵan joq.
“TJM jańa jyldyq merekelermen baılanysty іs-sharalar kezіnde órt qaýіpsіzdіgі erejelerіn qatań saqtaýdyń mańyzdylyǵyn eskertedі”, – delіngen habarlamada.
Eske salaıyq, buǵan deıіn Shymkent qalasynyń ákіmі Ǵabıt Syzdyqbekov jańa jyldyq bezendіrýge 80 mıllıon teńge, sonyń іshіnde ár aýdanǵa 16 mıllıon teńgege jýyq qarjy jumsalatynyn aıtqan edі. Oǵan qosa ákіmdіk buryn alynǵan shyrshalar men bezendіrýge arnalǵan buıymdardy qaıta qoldanbaq.
Shymkentte 5 ákіmshіlіk aýdan bar. Salystyrsaq, byltyr Shymkentte bezendіrýge 74 mıllıon teńge, al merekelіk іs-sharalarǵa 36 mıllıon teńge jumsalǵan.