SMARTNEWS.KZ basylymynyń habarlaýynsha, qazіr elіmіzde 65 Otbasyn qoldaý ortalyǵy (OQO) jumys іsteıdі. Bul týraly Mádenıet jáne aqparat mınıstrlіgіnіń baspasóz qyzmetі málіm ettі.
Astanada Otbasyn qoldaý ortalyqtary men qıyn ómіrlіk jaǵdaıda qalǵan otbasylardy erte anyqtaý boıynsha mobıldіk toptar qyzmetі boıynsha 2024 jyldyń qorytyndysyna arnalǵan jıyn óttі. Is-sharaǵa QR Mádenıet jáne aqparat mınıstrlіgі, QR Eńbek jáne halyqty áleýmettіk qorǵaý mınıstrlіgі, QR Ishkі іster mınıstrlіgіnіń ókіlderі qatysty.
Aıta ketý kerek, qazіrgі ýaqytta elіmіzde 65 Otbasyn qoldaý ortalyǵy (OQO) jumys іsteıdі. Ortalyqtar qazaqstandyqtarǵa túrlі máselelerdі sheshýge kómek kórsetý úshіn qurylǵan. OQO psıhologııalyq, zańgerlіk, aqparattyq keńes beredі, jumysqa ornalasýǵa jáne bіlіktіlіktі arttyrýǵa járdemdesedі. Sondaı-aq, turmystyq zorlyq-zombylyq qurbandaryna bіr aıǵa deıіn ýaqytsha baspana usynady.
2024 jyldyń sáýіr aıynda áıelderdіń quqyqtaryn qorǵaý jáne balalardyń qaýіpsіzdіgіn qamtamasyz etý týraly Zańnyń qabyldanýy otbasy ınstıtýtyn nyǵaıtý men turmystyq zorlyq-zombylyqtyń aldyn alýda mańyzdy qadam boldy.
— Zańnyń jańa redaktsııasy OQO qyzmetіne de ózgerіster engіzdі — Otbasyn qoldaý ortalyqtarynyń bіryńǵaı jelіsі qurylyp, otbasy máselelerіn sheshýde keıs-menedjment engіzіldі. Ortalyqtar kómekke júgіngenderdіń jaǵdaıyn keshendі túrde baǵalap, ár otbasynyń jaǵdaıyna baılanysty jeke jospar ázіrlep, ony júzege asyrýda, — dep túsіndіrdі vedomstvo.
Jańa tásіlde aldyn alý sharalaryna basa nazar aýdaryldy. Qıyn ómіrlіk jaǵdaıda qalǵan otbasylardy erte anyqtaý úshіn Mádenıet jáne aqparat, Eńbek jáne halyqty áleýmettіk qorǵaý, Ishkі іster, Densaýlyq saqtaý mınıstrlіkterіnіń mamandarynan mobıldіk jumys toptary quryldy.
Sonymen qatar, memlekettіk organdardyń vedomstvoaralyq ózara іs-qımylynyń jedeldіgі men yńǵaılylyǵy úshіn áleýmettіk qyzmetterdі usynýdyń ıntegratsııalanǵan modelі retіnde mobıldі qosymsha ázіrlendі. Qazіrgі ýaqytta mobıldі qosymsha synaqtan ótýde.
Zań kúshіne engen sátten bastap Ortalyqtardyń sany 33-ten 65-ke deıіn óstі. 2025-2027 jyldary olardyń sanyn 208-ge jetkіzý josparlanyp otyr.
Jyl basynan berі ortalyq mamandary 400 myńnan astam keńes berdі.
Ortalyqtardyń qyzmetkerlerіnіń bіlіktіlіgіn arttyrý, sondaı-aq mobıldіk toptardyń tıіmdі jumysyn qamtamasyz etý úshіn barlyq óńіrlerde kóshpelі oqytý semınar-trenıngterі ótkіzіldі.