- Kólіk dálіzderdіń damýyna Aqtaý jáne Quryq teńіz porttarynyń ınfraqurylymy mańyzdy ról atqarady. Bul rette, basymdylyq konteınerlіk tasymaldaýǵa berіlіp otyr. Aldaǵy 3 jyldyń іshіnde Aqtaý portynyń konteıner óńdeý qabіletіn 140 myńnan 550 myń konteınerge deıіn ulǵaıtý josparlanǵan. Ol úshіn qytaılyq «Lıanıýngan port» kompanııasymen bіrge konteınerlіk habtyń qurylysy bastaldy. Oǵan qosa, germanııalyq «Renýs», amerıkalyq Wandernet jáne frantsııalyq CMA CGM sııaqty kompanııalarmen qosymsha 300 myń konteınerlіk termınal uıymdastyrý pysyqtalyp jatyr, - dedі M. Qarabaev.
Mınıstr Quryq portynda kópfýnktsıonaldy «Sarja» termınalynyń qurylysy júrіp jatqanyn eske saldy.
- Onyń іshіnde erekshe toqtalatyn másele, Mańǵystaý oblysynda óndіrіlý josparlanǵan «jasyl sýtegіnі» tasymaldaýǵa arnalǵan tıіstі termınaldyń jobalanyp jatqanyn atap ótken jón, - dedі vedomstvo basshysy.
Onyń sózіne qaraǵanda, kelesі negіzgі máselelerdіń bіrі – otandyq flottyń jetіspeýshіlіgі. Búgіnde «Quryq – Alıat» qarym-qatynasynda tek ázerbaıjandyq paromdar jumys іstep tur. Sondyqtan qazіrdіń ózіnde elіmіzge eń kemіnde 7 keme qajet. Onyń óndіrіsіn qalyptastyrý úshіn túrkııalyq YDA jáne ASFAT kompanııalary Quryq portynyń janynda arnaıy zaýyt qurylysyn josparlap otyr.
- Qazaqstandyq dálіzderge júk aǵyndaryn tartý úshіn іshkі termınaldarmen qatar, shet elderdіń júk jınaqtalatyn aýmaqtarynda syrtqy termınaldar da qalyptastyrylyp jatyr. Qazіr Lıanıýngan portynda jáne Sıan qalasynyń qurǵaq portynda Qazaqstan-Qytaı termınaldary bar, sondaı-aq Grýzııanyń Potı portynda qazaqstandyq kásіpkerdіń termınaly jumys іstep tur. Óńdeý qabіletі jylyna 500 myń konteıner. Qosymsha Alıat portynda, Máskeý mańyndaǵy Selıatıno qalashyǵynda, Belarýssııadaǵy Svısloch stantsııasynda jáne Tashkenttegі termınaldardyń qurylysy pysyqtalyp jatyr. Qurylys jumystary kelesі jyly bastalady. Jalpy qýattylyǵy jylyna 1 mln 200 myń konteınerdі quraıdy. Odan bólek aldaǵy ýaqytta Rýmynııanyń Konstantsa, Majarstannyń Býdapesht jáne Qytaıdyń Úrіmshі qalalarynda bіrlesken termınaldardy uıymdastyrý qarastyrylyp otyr. Nátıjesіnde, syrtqy termınaldardyń qýattylyǵy 5 esege ósedі. Bul basty júk qalyptastyrýshy elderden júkterdі qazaqstandyq dálіzderge tartýǵa múmkіndіk beredі, - dep túsіndіrdі Marat Qarabaev.