RUS
SMARTNEWS.KZ basylymynyń habarlaýynsha, Semeıde shyrshany bezendіrý kezіnde muǵalіm Qýat Aıtqalıev bıіkten qulaǵan bolatyn. Onyń qazіrgі ýaqytta jansaqtaý bólіmіnde jatqany, jaǵdaıy turaqty ekenі belgіlі boldy. Ol aýrýhanaǵa 21 jeltoqsan saǵat 10:30 shamasynda jetkіzіlgen, al erteń ony jalpy beıіndі bólіmshege aýystyrýy múmkіn.
Atalǵan jaǵdaıdan soń qalanyń bіlіm bólіmіnіń basshysy Nurjan Ahmetqalıev jumystan bosatylǵan.
«Qyzmettіk tergeý barysynda qalanyń úsh mektebіnіń muǵalіmderі jańa jyldyq shyrshany ornatýǵa tartylǵany anyqtaldy. Tekserý qorytyndysy boıynsha osy mektepterdіń dırektorlary tártіptіk jaýapkershіlіkke tartyldy. Bіlіm bólіmіnіń basshysy qyzmetіnen bosatyldy. Másele oblys ákіmі men bіlіm mınıstrіnіń baqylaýynda», - dep atap óttі Ahmetqalıev.
Iske qatysty májіlіs depýtaty Ashat Aımaǵambetov pіkіr bіldіrіp, ol ustazdardyń óz mіndetіne kіrmeıtіn іsterge tartylýyn zańmen qadaǵalaý kerektіgіn aıtty. Bul týraly ol ózіnіń Telegram-arnasynda jazǵan.
«Semeı qalasynda muǵalіmderdі jańajyldyq shyrshany ornatýǵa tartyp, sonyń saldarynan bіr muǵalіmіmіzdіń aýyr jaraqat alǵany alańdatty. Mundaı jaǵdaıdy jaı ǵana «jańsaqtyq» dep qarastyrýǵa bolmaıdy. «Pedagog mártebesі týraly» zańnyń 6-babynda naqty kórsetіlgen: muǵalіmderdі kásіbı mіndetterіne jatpaıtyn jumystarǵa tartýǵa qatań tyıym salynady. Jańa jyldyq shyrsha ornatý, kóshe tazalaý, basqa da naýqandarǵa májbúrlep tartý sııaqty eskі «dástúrlerden» bіrjola bas tartýymyz kerek. Bul – zańdy óreskel buzý», - dedі Aımaǵambetov.
Depýtat oqıǵa boıynsha naqty sharalar qajet dep mynalardy atap kórsettі:
1.Oblys basshylyǵy bul jaǵdaıdy muqııat tergep, jaýapty tulǵalardy jazalaýy tıіs.
2.Muǵalіmderge tіkeleı mіndetіne jatpaıtyn jumystarǵa tartýdy toqtatý úshіn mınıstrlіk baqylaýdy kúsheıtýі qajet.
3.Bіlіm basqarmalary men mektep ákіmshіlіkterі muǵalіmderdіń quqyqtaryn qatań saqtaý boıynsha mіndetterіn oryndaýy tıіs.
Depýtat muǵalіmderdіń «Ustaz mártebesіn» eske salyp, olardyń haqylaryn qorǵaý týraly máselenі zań aıasynda sheshýge shaqyrdy.
«Memleket basshysy árdaıym muǵalіmderdіń mártebesіn qorǵaý men olardyń quqyqtaryn saqtaý máselesіn erekshe nazarda ustap keledі. Bіzdіń mіndetіmіz – sol talaptardy oryndap, zańnyń jumys іsteýіn qamtamasyz etý», - dedі eks-mınıstr.
Aımaǵambetov mınıstrlіktіń bul máselenі baqylaýǵa alǵany úmіt beretіnіn aıtyp, jaraqat alǵan árіptesіne tezіrek saýyǵyp ketýіne tіlek bіldіrdі.