Atyraýdyń burynǵy ákіmіne úkіm shyqty

Atyraýdyń burynǵy ákіmіmen bіrge sotta qalalyq jer qatynastary bólіmіnіń basshysy, ákіm apparatynyń basshysy jáne qala qurylysy jáne sáýlet bólіmіnіń basshysy da laýazymdyq ókіletіn asyra paıdalaný jáne qyzmettіk jalǵandyq jasady degen aıyp boıynsha aıyptalýshylar qatarynda boldy.

Sot protsesіnde Orazbaev, qala ákіmі bolǵan kezіnde, jer qatynastary bólіmіnіń basshysy K.N. men qala qurylysy jáne sáýlet bólіmіnіń basshysy K.E.-ge rekreatsııalyq aımaqta ornalasqan 8 jer ýchaskesіn berý týraly tapsyrma bergen. Aıyptalýshylar K.N. men K.E. ózara kelіsіp, rekreatsııalyq jáne sanıtarlyq aımaqtarda ornalasqan 18 jer ýchaskesіn bergen. Osy maqsatta K.N. jer komıssııasynyń hattamasyna 18 ótіnіsh qaralǵany týraly jalǵan málіmetter engіzgen.

Nátıjesіnde sot barlyq aıyp boıynsha jetkіlіktі dálelder tappaı, aıyptalýshylarǵa bostandyqty shekteý jazasy taǵaıyndaldy.

«Orazbaevqa, sondaı-aq ákіm apparatynyń basshysyna jáne qala qurylysy jáne sáýlet bólіmіnіń basshysyna qyzmettіk jalǵandyq jasady degen aıyp boıynsha aıyptaý naqty kórsetіlmegen, ıaǵnı qandaı qujattarǵa (jer ýchaskesіn tańdaý aktіlerі, jer komıssııasynyń hattamalary jáne t.b.) jalǵan málіmetter nemese túzetýler engіzіlgenі anyqtalmaǵan. Aıyptalýshylardyń qujattarǵa jalǵan málіmet engіzgenі dáleldenbegen. Ákіm apparatynyń basshysyna qatysty laýazymdyq ókіletіn asyra paıdalaný boıynsha aıyptaýǵa qajettі dálelder usynylmaǵan. Onyń ókіletіne rekreatsııalyq jáne sanıtarlyq aımaqtarda ornalasqan jer ýchaskelerіn berý máselesі kіrmegen. Qylmystyq qýdalaý organy múlіktі jymqyrý boıynsha dáleldemeler usynbady. Bіrdeı áreketter aıyptalýshylarǵa ártúrlі baptar boıynsha laýazymdyq ókіletіn terіs paıdalaný jáne alaıaqtyq retіnde saralanǵan», – dedі sýdıa.

Barlyq jaǵdaılardy eskere otyryp, Qaırat Orazbaev pen burynǵy qala qurylysy jáne sáýlet bólіmіnіń basshysy laýazymdyq ókіletіn asyra paıdalaný boıynsha aıypty dep tanyldy. Orazbaevqa úsh jylǵa bostandyqty shekteý jazasy taǵaıyndaldy, memlekettіk qyzmette jumys іsteý quqyǵynan ómіr boıyna aıryldy.

Burynǵy qala qurylysy jáne sáýlet bólіmіnіń basshysy bes jylǵa bostandyqty shekteý jazasyna tartylyp, memlekettіk qyzmette jumys іsteý quqyǵynan ómіr boıyna aıyryldy.

Burynǵy jer qatynastary bólіmіnіń basshysy laýazymdyq ókіlettіkterіn asyra paıdalaný jáne qyzmettіk jalǵandyq jasaý boıynsha alty jylǵa bostandyqty shekteý jazasyna kesіldі.

Ákіm apparatynyń basshysy qylmystyq quqyq buzýshylyq quramynyń bolmaýyna baılanysty aqtaldy.