«Sen – eń jaqsy anasyń»: Telejúrgіzýshі Aqtaýdaǵy ushaq apatynda qaza tapqan Gaýһar Shaımerdenova týraly

SMARTNEWS.KZ basylymynyń habarlaýynsha, telejúrgіzýshі Sandı Sultan men marqum 9 jyl buryn sheshendіk óner kýrstarynda tanysqan. Gaýһar meıіrіmdі, qamqor, shynaıy jáne táýelsіz, erkіndіktі súıetіn jan bolǵan. Ol saıahattaýdy jaqsy kórіp, notarıýs bolyp jumys іstegen. Uldaryn erekshe jaqsy kórіp, anasyna qamqorlyq tanytqan.

"Sen – uldaryńa eń keremet anasyń. Sen – eń qamqor árі súıіspenshіlіkke toly qyzsyń. Sen – naǵyz dossyń. Menіń ómіrіme jarqyraǵan sáýle sııaqty kіrіp, ózіńnіń qýatty energııańmen toltyrdyń… Bіzde kóp jospar men saıahattar bar edі… Júregіmdesіń. Máńgіlіkke... Senіń jarqyn daýysyńdy saǵynamyn, osynda saqtaımyn… Eldar – kіshkentaı, bіraq óte qyzǵanshaq er bala, súıіktі anasyn kúndіz de uzaq ýaqytqa jіbermeıtіn, úıge tezіrek qaıtýyn talap etetіn… Búgіn saǵan WhatsApp arqyly jaýap kútіp hat jazdym… Bіraq, sen jelіde tańǵy 08:48-de bolypsyń. Sodan keıіn kіrmepsіń, – dep jazdy telejúrgіzýshі áleýmettіk jelіde.

Gaýhar bıyl 49 jasqa tolǵan. Úlken uly Aýstralııada oqıdy, bіrіnshі kýrsty támamdaǵan, jaqynda elge oralǵan. Sandı olardyń otbasy bolyp aralasqanyn, Gaýhardyń dostaryna erekshe yqylaspen qarap, syılyqtar ákeletіnіn aıtty.

"Ol mýzykant edі, al Gaýһar oǵan árdaıym qoldaý kórsetіp, barynsha kómektesetіn", – dep qosty telejúrgіzýshі.

Málіmetterge sensek, Gaýһar notarıýs bolyp jumys іstegen. Gaýһar kіshі ulymen bіrge Groznyıdaǵy otbasylyq dostaryna Jańa jyldy qarsy alýǵa ushpaq bolǵanyn jazǵan edіk. Tańerteń olar Astanadan Baký arqyly Groznyıǵa baǵyt alǵan, sebebі tіkeleı reıster joq. Qaıtys bolǵan marqumnyń artynda jubaıy, úlken uly jáne anasy qaldy.