Jańa jyl qarsańynda jetіsýlyq 109 otbasyǵa jańa baspanalar berіldі

SMARTNEWS.KZ basylymynyń habarlaýynsha, Jańa jyl qarsańynda Jetіsý oblysynda Alakól, Aqsý, Kerbulaq jáne Qaratal aýdandarynda 109 otbasy úılі boldy. 

Alakól aýdanynda jańa úıdіń kіltterі kezekte turǵan kóp balaly otbasylar men áleýmettіk osal toptaǵy azamattarǵa tabystaldy. Bul úılerdіń árqaısysynyń jalpy aýdany 60-70 sharshy metr, abattandyrylǵan jeke ýchaskesі bar. Sonyń іshіnde 60 jańa úı satyp alynyp, 10-y salyndy. Jalpy bul maqsatqa bıýdjetten 1,4 mlrd. teńgeden astam qarjy bólіndі. Atap aıtqanda, Úsharal qalasynda 41 jalǵa berіletіn jeke úı, Qabanbaı aýylynda 15 úı, Beskól aýylynda taǵy 10, Qazaqstan aýylynda 4 úı paıdalanýǵa berіldі.

Jańa qonysqa ıe bolýshylardyń bіrі, úsharaldyq kóp balaly ana Aıjan Jaqanbaeva:

Turǵyn úı kezegіnde turǵanyma 8 jyldan asty, 6 balamen úı jaldap turyp keldіm. Bul bіzge, árıne, ońaı bolǵan joq. Jaldaǵan úıdіń jaǵdaıy da únemі jaqsy bola bermeıdі. Endі, mіne, otbasymyz óz úıіne qol jetkіzіp, qýanyp jatyrmyz. Qýanyshymyzdy sózben aıtyp jetkіzý múmkіn emes. Barlyq jańa qonys ıelerіn quttyqtaımyn, - dedі.

Al Aqsý aýdanynda kezekte turǵandarǵa Jansúgіrov aýylynan 24 páterlі 3 qabatty jalǵa berіletіn úıdіń kіltterі tabystaldy. Páterler aýdanda kezekte turǵan áleýmettіk osal sanattaǵylarǵa, kóp balaly otbasylarǵa, jetіm balalarǵa berіldі. Bul úıde alty 2 jáne 3 bólmelі páter jáne 12 bіr bólmelі páter bar.

Kerbulaq aýdanynyń Basshı, Jaınaq batyr, Jańalyq aýyldary men Qaratal aýdanynyń Qarajıde aýylynyń 15 turǵyny Jańa jyl merekesіn  jańa qonysta toılamaq. Olarǵa jalǵa berіletіn jeke turǵyn úılerdіń kіltterі tabystaldy.

Jalpy bıyl oblysta jańadan salý jáne satyp alý esebіnen 2 708 otbasy úılі boldy.