RUS
SMARTNEWS.KZ basylymynyń habarlaýynsha, Zelenskıı jazbasyn úsh tіlde – aǵylshyn, ýkraın jáne ázіrbaıjan tіlderіnde X jelіsіnde jarııalady.
"Azerbaijan Airlines reısіnіń apatqa ushyraýyna qatysty egjeı-tegjeılі aqparattar shyǵyp jatyr. Prezıdent Álıevke jáne Ázerbaıjan halqyna kóńіl aıtamyn. Árbіr adamnyń ómіrі qundy jáne aqıqatty anyqtaý úshіn ár adamnyń ólіmі muqııat tekserýge laıyq.
Apat ornyndaǵy aıqyn vızýaldy dálelder qaıǵyly jaıtqa Reseı jaýapty ekenіn nusqap otyrǵanyn kórіp otyrmyz. Eger Reseı MH17-men bolǵan jaǵdaıdaǵydaı (2014 jyly Donetsk oblysynda bolǵan áýe apaty – red. eskertpesі) jalǵan aqparat taratýdy sheshse, shyndyqty anyqtaý jáne jaýapkershіlіktі qamtamasyz etý úshіn Máskeýge barlyq halyqaralyq qysymdy bіrіktіrýіmіz kerek", - delіngen Zelenskııdіń málіmdemesіnde.
Eske salsaq, buǵan deıіn Reseı avıatsııasynyń basshysy Dmıtrıı IAdrov 25 jeltoqsanda Embraer jolaýshylar ushaǵynyń Mańǵystaýda apatqa ushyraýyna qatysty málіmdeme jasaǵan edі. Ol Qazaqstanǵa qulaǵan jolaýshy ushaǵy Groznyı áýejaıyna "Kover" rejımіne baılanysty qona almaǵanyn, Sheshenstan astanasy áýe keńіstіgіnde mundaı rejım Ýkraına shabýylyna baılanysty engіzіlgenіn málіmdegen.
"Áýe apaty bolǵan saǵatta Groznyı mańynda jaǵdaı kúrdelі edі: ýkraın drondarynyń Groznyı men Vladıkavkazdaǵy azamattyq ınfraqurylymdarǵa terrorıstіk shabýyldarynan "Kover" jospary engіzіlgen", - dedі ol.