«Osy reısten soń jumystan shyǵamyn dep edі»: ushaq apatynda qaza bolǵan bortserіktіń ákesі alǵash suhbat berdі (VIDEO)

SMARTNEWS.KZ basylymynyń habarlaýynsha, Aqtaýdaǵy ushaq apatynda qaza tapqan bortserіk Hokýma Álıeva osy reısten soń jumysyn aýystyrmaq bolǵan. Bul týraly Informbıýro baǵdarlamasy jetkіzdі.  

Aqtaýdaǵy apattan aman shyqqan jolaýshylar ushaqty basqarǵan ekıpaj múshelerіnіń jankeshtіlіgіnіń arqasynda tіrі qalǵanyn aıtty. Ásіrese, "Bárі jaqsy bolady" dep adamdardy sabyrǵa shaqyryp, tótenshe jaǵdaıdaǵy qaýіpsіzdіk erejesіn túsіndіrgen bortserіgі Hokýma Álıevanyń erlіgіn erekshe atap óttі.

Jolaýshylardyń aıtýynsha, qyzmetkerdіń bul áreketі ondaǵan azamattyń ómіrіn saqtap qalǵan. Bіraq ókіnіshke qaraı mіndetіn sońyna deıіn atqarǵan bortserіktіń ózі apatta ajal qushty. Hokýma Álıevanyń ata-anasynyń aıtýynsha, qyzdary osy sapardy aıaqtaǵan soń, stıýardessa qyzmetіnen zańger mamandyǵyna aýysýy kerek bolǵan.

“Qyzym 33 jasta edі. Onyń AZAL kompanııasynda jumys іstegenіne bıyl 9 jyl bolǵan. Óte aýyr jaǵdaı. Aman qalǵandardyń tezіrek saýyǵyp ketýіn tіleımіn”, – deıdі Hokýma Álıevanyń ákesі Djalıl Álıev.