RUS
SMARTNEWS.KZ basylymynyń habarlaýynsha, Aqtóbe oblysynyń qylmystyq іster jónіndegі mamandandyrylǵan aýdanaralyq sotynda 26 jeltoqsanda Qylmystyq kodekstіń 297-babynyń 3-bólіgіnіń 1,3-tarmaqtarymen, 28-babynyń 3-bólіgі, 99-babynyń 2-bólіgі 7,10-tarmaqtarymen aıyptalǵan "J" jáne QK-nіń 297-babynyń 3-bólіgіnіń 1,3-tarmaqtarymen, 99-babynyń 2-bólіgі 7,10-tarmaqtarymen aıyptalǵan "S" qatysty úkіm shyqty. Bul týraly Tengrinews.kz jazdy.
Taǵylǵan aıyp boıynsha, tarıh pánіnіnіń muǵalіmі "J" jáne stomatologııalyq kabınette tіs tehnıgі "S" adamdar tobynyń aldyn ala sóz baılasýymen, asa iri mólsherdegі psıhotroptyq zattardy ótkіzý maqsatynda zańsyz daıyndaǵan jáne saqtaǵan.
Sonymen qatar, "J" aldyn ala sóz baılasqan adamdar tobymen, basqa qylmysty jasyrý maqsatymen, basqa adamdy quqyqqa qarsy qasaqana qazaǵa ushyratý, ıaǵnı óltіrýdі uıymdastyrǵan jáne oǵan basshylyq jasaǵan, al "S" aldyn ala sóz baılasqan adamdar tobymen, basqa qylmysty jasyrý maqsatymen, basqa adamdy quqyqqa qarsy qasaqana qazaǵa ushyratqan, ıaǵnı óltіrgen.
Sotta anyqtalǵandaı, "J" jáne "S" adamdar tobynyń aldyn ala sóz baılasýymen, 2023 jyldyń naýryz aıy men 2024 jylǵy 13 qańtar aralyǵynda Aqtóbe qalasynda ornalasqan garaj kooperatıvіnen garaj jalǵa alyp, onda psıhotroptyq zattardy daıyndaıtyn jasyryn laboratorııa uıymdastyryp, ótkіzý maqsatynda asa іrі mólsherde psıhotroptyq zattardy, atap aıtqanda "mefedrondy" zańsyz daıyndaǵan jáne saqtaǵan.
Daıyndaǵan psıhotroptyq zattardy ótkіzý úshіn"J" tanysy "T" arqyly "N"-ge psıhotroptyq zattardy taratýǵa usynys jasaǵan. Alaıda "N" usynystan bas tartqan.
2024 jylǵy qańtarda "N" ákіmshіlіk quqyq buzýshylyq jasap 20 táýlіkke ákіmshіlіk qamaqqa alynǵan, sonymen qatar onyń ústіnen ótkіzý maqsatynsyz esіrtkі saqtaý aıybymen qylmystyq іs qozǵalǵan.
"J" men "S" zańsyz esіrtkі aınalymyna qatysty áreketterі áshkere bolýdan qorqyp, qylmystaryn jasyrý maqsatynda "J" "N" jáne ózderіmen ony baılanystyryp turǵan jábіrlenýshі "T" polıtsııaǵa zańsyz áreketterіn aıtyp qoıýynyń aldyn alý maqsatynda "T" óltіrýdі uıymdastyryp, ony іske asyrýdy "S" tapsyrǵan. 13 qańtarda saǵat 17.00 shamasynda olar "T"-ny ońasha jerge aldap ertіp aparyp, "S" pyshaqpen "T"-nyń denesіne bіrneshe soqqy jasap, qasaqana óltіrgen.
Sottalýshy "J" ózіne taǵylǵan aıypty moıyndamaı, psıhotroptyq zattardy daıyndamaǵanyn, saqtamaǵanyn, "S" áreketterіnen habarsyz ekenіn, eshkіmdі óltіrmegenіn, "S"-ǵa ondaı tapsyrma bermegenіn, "S" jábіrlenýshі "T"-ny óltіrіp tastaǵanyn bіlmegenіn, qylmystarǵa qatysy joqtyǵyn kórsettі.
Sottalýshy "S" ózіne taǵylǵan aıypty moıyndamaı, psıhotroptyq zattardy daıyndamaǵanyn, saqtamaǵanyn, garajdy tіs protezderіn daıyndaýǵa paıdalanǵanyn, jábіrlenýshі "T"-ny tanymaıtynyn, ony óltіrgen "J" ekenіn kórsettі.
QK-tіń 99-babynyń 2-bólіgіnіń sanktsııasynda 15 jyldan 20 jylǵa deıingi merzimge ne ómіr boıy bas bostandyǵynan aıyrý jazasy kózdelgen. QK-nіń 297-babynyń 3-bólіgіnіń sanktsııasynda smúlki tárkilenip, 10 jyldan 15 jylǵa deıingi merzimge bas bostandyǵynan aıyrý jazasy kózdelgen. Jaza taǵaıyndaý barysynda qylmystyq jaýaptylyq pen jazany jeńіldetetіn mán-jaı retіnde sottalýshylardyń buryn sottalmaǵandary, jas balalarynyń bolýy tanyldy.
Sot qylmystyq jaýaptylyq pen jazany aýyrlatatyn mán-jaı tapqan joq. Sottyń úkіmіmen sottalýshylar kіnálі dep tanylyp, olarǵa 19 jyl merzіmіne bas bostandyǵynan aıyrý jazasy taǵaıyndaldy.
Sottalǵandardan jábіrlenýshіler paıdasyna ár qaısysynan 10 mıllıon teńge moraldyq zııan úshіn ótemaqy óndіrіldі.
Sot úkіmі zańdy kúshіne engen joq.