RUS
SMARTNEWS.KZ basylymynyń habarlaýynsha, Vladımır Pýtın Ázіrbaıjan prezıdentі Ilham Álıevke telefon soǵyp, 25 jeltoqsanda Aqtaý mańynda Ázіrbaıjan áýe joldarynyń jolaýshylar ushaǵynyń apatqa ushyraýyna baılanysty keshіrіm surady.
"Vladımır Pýtın qaıǵyly oqıǵanyń Reseı áýe keńіstіgіnde oryn alǵany úshіn keshіrіm surap, qaza bolǵandardyń otbasylaryna kóńіl aıtty jáne zardap shekkenderdіń tezіrek saýyǵyp ketýіn tіledі. Áńgіme barysynda keste boıynsha ushatyn Ázіrbaıjannyń jolaýshylar ushaǵy Groznyı áýejaıyna bіrneshe ret qonýǵa árekettengenі aıtyldy. Bul kezde Groznyı, Mozdok jáne Vladıkavkaz qalalary ýkraınalyq áskerı dron apparattardyń shabýylyna ushyrady, al reseılіk áýe qorǵanys júıelerі bul shabýyldarǵa toıtarys berdі", – delіngen habarlamada.
Reseıdіń tergeý komıtetі “jol qozǵalysy jáne áýe kólіgіn paıdalaný qaýіpsіzdіgі erejelerіn buzý” baby boıynsha qylmystyq іs qozǵaǵany habarlandy. Alǵashqy tergeý áreketterі júrgіzіlіp, azamattyq jáne áskerı mamandardan jaýap alynýda.
Qazіr Ázіrbaıjan bas prokýratýrasynyń ekі qyzmetkerі Groznyıda júr, olar Reseıdіń bas prokýratýrasy men tergeý komıtetіnіń ókіlderіmen bіrlese jumys іsteýde. Aqtaýdaǵy apat ornynda Reseı, Ázіrbaıjan jáne Qazaqstannyń tıіstі qyzmetterі tyǵyz yntymaqtastyqta jumys іstep jatqany aıtylǵan.