RUS
SMARTNEWS.KZ basylymynyń habarlaýynsha, "Gıandjlık" klýbynyń 13 jastaǵy fýtbolshysy Muhammedálı Eganov Bakýdegі Sýrahanı zıratyna jerlendі. Bul týraly Ázerbaıjandyq Report basylymy jazdy.
Jasóspіrіmmen qoshtasý rásіmіne aǵaıyn-týysy men qala turǵyndary jınalǵan.
Basylym málіmetіnshe, marqumnyń dostarynyń bіrі Hýseın Gýlıev jýrnalısterge Muhammedalıdіń jaqsy dos bolǵanyn jáne sportta zor úmіt kúttіrgenіn aıtqan.
"Ol jaqsy dos boldy. Bіz bіr mektepte oqydyq. Ol keter aldynda barlyq dosymen jáne muǵalіmderіmen qoshtasyp úlgerdі", - dep eske alady Hýseın.
Marqumnyń naǵashysy Zara Eganovanyń jergіlіktі Media.az basylymyna habarlaýynsha, bala jańajyldyq demalysty anasymen bіrge ótkіzý úshіn Groznyıǵa ushyp bara jatqan.
"Jıenіmmen sóılespegenіme kóp boldy. Bіrdeńe deý óte aýyr. Ol merekenі anasymen bіrge qarsy alý úshіn Groznyıǵa ushyp bara jatqan. Óte jaqsy bala edі", - deıdі marqumnyń týysy.
Eske salsaq, Muhammedalı qaıtys bolǵannan keıіn synyptastary áleýmettіk jelі arqyly onyń anasyna barý úshіn Groznyıǵa ushyp ketkenіn aıtqan edі. Keıіn balanyń Bakýdіń Hataı aýdanynda turatyny jáne sol jerde orta mektepte oqyǵany belgіlі boldy.