RUS
SMARTNEWS.KZ basylymynyń habarlaýynsha, Halyqaralyq áýe kólіgі qaýymdastyǵy (IATA) Aqtaýdaǵy ushaq apatyn muqııat, beıtarap jáne ashyq tergeýge shaqyrdy. Ol mundaı tergeý Chıkago Konventsııasynyń 13-qosymshasynda kórsetіlgen erejelerge sáıkes júrgіzіlýі keregіn eske salyp, qaıǵyly oqıǵadan keıіn 30 kún іshіnde aralyq eseptі jarııalaýdy talap ettі.
«Bіz qaza tapqandardyń otbasy men dostaryna kóńіl aıtamyz. Qaıtys bolǵan 38 adamǵa jáne tіrі qalǵandarǵa qurmet kórsetý úshіn bіz bul apattyń nelіkten bolǵanyn anyqtap, onyń eshqashan qaıtalanbaýyn qamtamasyz etýіmіz shart!», - dedі IATA basshysy Ýıllı Ýolsh.
IATA basshysy Ýolsh óz úndeýіn Pýtınnіń Ázіrbaıjan prezıdentіnen apattyń «Reseı áýe keńіstіgіnde áskerı operatsııalarǵa jaqyn jerde bolǵany úshіn» keshіrіm suraǵan málіmdemesіnen keıіn jasaldy.
«Jolaýshylar ushaǵy eshqashan áskerı operatsııalardyń qasaqana ıa kezdeısoq qurbany bolmaýy kerek. Eger Reseı men Ázіrbaıjan úkіmetterі qosa alǵanda, bіrneshe elderdіń úkіmetі atap kórsetkenіndeı Azerbaijan Airlines avıakompanııasynyń 8243 reısі áskerı operatsııalardyń qurbany bolýy múmkіn bolsa, onda muqııat, ashyq jáne beıtarap tergeý júrgіzý kerek. Álem Chıkago Konventsııasynda kelіsіlgen halyqaralyq mіndettemelerge sáıkes 30 kún іshіnde aralyq eseptіń qajettі jarııalanýyn asyǵa kútpek. Eger bul qaıǵyly oqıǵa jaýyngerlerdіń jaýapkershіlіgіnde boldy degen qorytyndyǵa kelsek, kіnálіler zań aldynda jaýapqa tartylyp, óz jazasyn alýy kerek», - dedі Ýıllı Ýolsh.
Sondaı-aq bıyl qazan aıynda da IATA qaýymdastyǵy BUU-nyń Qaýіpsіzdіk Keńesіne memleketterdіń ózara qaqtyǵysy kezіnde avıatsııa men onyń mańyzdy ınfraqurylymyn qorǵaýdy talap etіp, naqty mіndettemeler bar ekenіn eske salǵan edі. Al Memlekettіk mіndettemelerge Jeneva Konventsııalary hattamasynyń 48-baby kіredі. Onda qaqtyǵysqa qatysýshy elder azamattyq nysandarǵa soqqy bermeýі kerek dep jazylǵan. Al Chıkago Konventsııasynda – soǵysqa qatysýshy elder jolaýshylar ushaǵy men ondaǵy azamattardy qorǵaýǵa, jolaýshylardyń áýe kemelerіne qarsy kúsh qoldanbaýǵa shaqyryp, árі kez kelgen qaýіptіń aldyn alýǵa, habarlaýǵa mіndetteıdі.
Osy mіndettemelerdі oryndaý úshіn IATA áýe qaýіpsіzdіgіne jaýapty konsýltatıvtіk komıtetterdіń jumysyn qoldaýǵa daıyn ekenіn eske saldy.
Eske sala keteıіk, Halyqaralyq áýe kólіgі qaýymdastyǵy – barlyq halyqaralyq avıa-tasymaldaýshylardyń dúnıejúzіlіk uıymy. Ol halyqaralyq reısterdі júzege asyratyn avıatsııalyq kompanııalardyń kásіbı assotsıatsııasy. IATA-nyń basty mıssııasy – avıatsııa ındýstrııasyna qyzmet kórsetý, ony alǵa tartý árі qyzyǵýshylyqtaryn qorǵaý, jolaýshylar tasymalyna tarıf ornatý.