RUS
2025-2027 jyldarǵa arnalǵan respýblıkalyq bıýdjet týraly zańda 2025 jylǵy 1 qańtardan bastap memlekettіk járdemaqylar men bazalyq zeınetaqy tólemderіnіń barlyq túrіn QR Ulttyq bankі aıqyndaıtyn ınflıatsııanyń boljamdy deńgeıіne sáıkes 6,5%-ǵa, yntymaqty zeınetaqyny – 8,5%-ǵa, ıaǵnı ınflıatsııa deńgeıіnen 2%-ǵa oza otyryp arttyrý josparlanyp otyr.
QR EHÁQM málіmetіnshe, Memleket basshysynyń tapsyrmasymen 2023 jyldan bastap bes jyl іshіnde eń tómen bazalyq zeınetaqyny eń tómen kúnkórіs deńgeıіnіń 70 %-na deıіn, eń joǵary – 120 %-ǵa deıіn jyl saıyn kezeń-kezeńіmen arttyrý júzege asyrylmaq.
Máselen, 2025 jylǵy 1 qańtardan bastap bazalyq zeınetaqynyń eń tómen mólsherі eń tómen kúnkórіs deńgeıіnіń 65%-nan 70%-ǵa deıіn ulǵaıtylady, bul 32 360 teńgenі qurap, onyń eń joǵary mólsherі eń tómen kúnkórіs deńgeıіnen 105-ten 110%-ǵa deıіn arttyrylyp, 50 851 teńgenі quraıdy.
«2019 jyly zeınetkerlіkke shyqqan 69 jastaǵy zeınetkerdіń 2024 jyly bıýdjetten tólenetіn zeınetaqy mólsherі 156 856 teńgenі qurady, onyń іshіnde bazalyq zeınetaqy tólemі – 45 578 teńge, yntymaqty zeınetaqy – 111 278 teńge. 2025 jylǵy 1 qańtardan bastap ósіmdі eskere otyryp, osy zeınetker úshіn zeınetaqynyń jalpy somasy 171 588 teńgege deıіn ulǵaıady, onyń іshіnde bazalyq zeınetaqy – 50 851 teńgenі, yntymaqty zeınetaqy – 120 737 teńgenі quraıdy. Atalǵan somalarǵa BJZQ-daǵy tólemder kіrmeıtіnіn atap ótý mańyzdy», - delіngen málіmette.