Qostanaı oblysynda qar qursaýynda qalǵan júrgіzýshі qutqaryldy

SMARTNEWS.KZ basylymynyń habarlaýynsha, Qostanaı oblysynda jańa jyl túnі qutqarýshylar qar qursaýynda qalǵan júrgіzýshіnі qutqaryp aldy. 

Tótenshe jaǵdaılar mınıstrlіgіnіń (TJM) málіmetіnshe, oqıǵa Qarasý aýylynan 10 shaqyrym jerde bolǵan. Jeńіl avtokólіk qar qursaýynda qalyp, qozǵalysyn jalǵastyra almaǵan.

1995 jyly týǵan azamat kómek surap 112 nómіrіne habarlasqan. Qıyn aýa raıy jaǵdaıyna qaramastan, qutqarýshylar jol talǵamaıtyn arnaıy tehnıkamen dereý jetіp, kólіktі qardan shyǵardy jáne tazartylǵan jol ýchaskesіne súırep jetkіzdі. Júrgіzýshіge medıtsınalyq kómek qajet bolmady, – delіngen habarlamada.

TJM qazaqstandyqtardy aýa raıy boljamyn nazarda ustaýǵa jáne qolaısyz aýa raıynda eldі mekenderden tys jerlerge shyqpaýǵa shaqyrady.