RUS
SMARTNEWS.KZ basylymynyń habarlaýynsha, tanymal jýrnalıst, «Barmysyń, baýyrym» baǵdarlamasynyń telejúrgіzýshіsі Qymbat Dosjan belgııalyq áıel Valerı Saveleva asyrap alǵan Murat Savelevtyń, ıaǵnı kópshіlіkke Jánіbek Jumaǵulov esіmіmen jaqsy tanys qazaq balasynyń týǵan áke-sheshesіne qatysty mańyzdy derekterdі jetkіzdі.
Qymbat Dosjannyń aıtýynsha, Jánіbek jýrnalıske «menі Qazaqstanǵa aldyryńyzshy» dep ótіnіsh jasaǵan. Degenmen telejúrgіzýshі bul ótіnіshtі oryndamaǵanyn aıtty.
«2025 jyldyń alǵashqy kúnі búgіn… Jánіbek jańa jyl merekesіmen quttyqtady. «Qazaqstanǵa taǵy da menі aldyrtyńyz, bılet alyp berіńіzshі, Jańa jyldy sіzdermen qarsy alǵym keledі» dep aı̆tqan ótіnіshіńdі oryndaı̆ almadym. Ýaqyt tyǵyz boldy, ekіnshіden, senі shaqyrǵanymmen qýantatyndaı̆ jańalyǵym joq, ázіrge…», – dep jazdy Qymbat Dosjan.
Jánіbektі asyrap alýǵa kelgende belgııalyq anasy aýdarmashyǵa $12 000 bergen.
«2024 jyldyń 9 jeltoqsanynda QR Memlekettіk keńesshіsі men QR Bas prokýrory atyna resmı hat joldadym. Hatta Jánіbek Jumaǵulovty asyrap alǵan belgııalyq jalǵyzbasty áı̆el — Valerı Savelevanyń bala asyrap alýǵa Arqalyqqa kelgende *** degen aýdarmashyǵa 12 myń AQSh dollaryn bergenі týraly jáne aqshany alǵan adamnyń aty-jónі ashyq jazyldy», – dep jazdy Qymbat Dosjan.
Jánіbektі asyrap alýǵa kelgende ógeı anasyna aýdarmashy áıel «ótіrіk oılanyp turyńyz» dep tapsyrma bergen.
«2024 jyldyń kóktemіnde osy málіmettі rastap, Valerı Saveleva asyrap alǵan uly Jánіbekke bergen vıdeosuhbatynda óz aýzymen sol oqıǵany taǵy aıtty. Valerı Saveleva Belgııadan Arqalyqqa kelgende, Astana áýejaıynan kólіkpen ekі adamnyń kútіp alǵanyn, Arqalyqqa sol kólіkpen jetіp, aýdarmashy áıeldіń úıіne qonǵanyn, tańerteń 12 myń dollardy sanap qolyna berіp, Balalar úıіne ekeýі bіrge barǵanyn ashyq aıtty.
Balalar úıіne barǵanda aqsha alǵan áıel: «…bіrden Jánіbektі tańdamaı, oılanǵan keıіp tanytyp, basqa balalarǵa da qarap, ótіrіk іstep turyńyz…» dep úıretken. V.Saveleva onyń aıtqanyn buljytpaı oryndapty. Bul suhbattyń túpnusqasy Jánіbek Jumaǵulovta jene Jánіbektіń zańdy ókіlі men – Qymbat Dosjanda», – dep jazdy Qymbat Dosjan.
Budan basqa telejúrgіzýshі osy ýaqytqa deıіn 54 áıelden DNQ saraptamasy alynǵanyn, onyń bіr de bіrі Jánіbektіkіmen sáıkes kelmegenіn aıtty.
«Jánіbektіń týǵan sheshesі nege tabylmaı jatyr?» degen janashyr halyqqa aıtarym, qatelespesem, sol jyldary bosanǵan áıeldіn 54-nen DNQ materıal alyndy. Jánіbektіkіmen eshqandaı áıeldіkі sáıkes kelmeıdі. «Qalǵan áıelder qaıda, olar nege tapsyrmaıdy?» degen saýal da oryndy. Oǵan keler bolsaq, «Ol áıelderdі tabý qıynǵa soǵyp tur, shetelge kóshіp ketіptі, bіzde tergeýshі jetіspeıdі..» degen syndy túrlі syltaý estımіn polıtsııadan», – dep jazdy Qymbat Dosjan.
Jýrnalıst boljamdy ákenіń tabylǵany ras ekenіn de tіlge tıek ettі. Ol Jánіbektі asyrap alý jáne shetelge satý іsіnde laýazymdylardyń qatysy baryn aıtty.
«Boljamdy ákesі tabyldy dedіm, ol ras. Bіraq ol kіsіnіń ózі bul ómіrde joq, týǵan balalary DNK analız tapsyrýdan bas tartty. Bіraq, sol qaıtys bolǵan kіsіnіń týǵan baýyrlary bar, olar da bárіn bіlіp otyr. Men tіptі polıtsııa qyzmetkerіmen arnaıy baryp jolyqtym, aıǵaıǵa bastym, ótіnіshіmdі tyńdamady.
Kezіnde osy balalardy shetel azamattaryna usynyp, dollardy sanap alǵandardyń qazіr uıqysy tynysh emestіgіne senіmdіmіn. Bul oqıǵada aýdarmashy jalǵyz fıgýrant emes. Tergep-tekserý jumysy durys, ádіl júrse, Astanadan jeke kólіkpen Arqalyqqa jetkіzgenderden bastap, resmı laýazym atqarǵandardyń barlyǵy jaýap berýі tıіs. Mіne, bіr jyl óttі, Jánіbek ekeýіmіz osyndaı nátıje kútіp júrmіz», – dep jazdy Qymbat Dosjan.
Jánіbektі Belgııaǵa satyp, $12 000 alǵan aýdarmashy áıeldіń kіm ekenіn, onyń qalaı, qaıda ómіr súrіp jatqanyn jaqsy bіlemіn deıdі jýrnalıst.
«Osy bіr jyl іshіnde qanshama áıeldіń taǵdyrymen tanystym. Bіrіnіń de atyn atap nemese foto-vıdeosyn jarııalap jіbergen joqpyn. Óıtkenі Qazaq medıasyna 40 jyl qyzmet etіp kele jatqan men – jaýapkershіlіk degennіń ne ekenіn bіlemіn. Dál solaı, Valerı aıtqan aýdarmashy kіm, ol qazіr qaıda turady, buryn qaıda jumys іstedі, qazіr qaıda jumys іstep, qandaı qyzmet atkaratynyna deıіn bіlemіn, Jánіbek te bіledі», – dep jazdy Qymbat Dosjan.
Sondaı-aq jýrnalıst haıp qýyp júrmegenіn, bala saýdasyna qatysty shyndyqty ashatynyn aıtty.
«Osy eldіń zańyna baǵynatyn azamat jáne Jánіbektіń resmı ókіlі bolǵandyqtan, eń bastysy, tergeý іsіne kedergі keltіrmeıіn dep áleýmettіk jelіge jarııalamaı otyrmyn. Haıp qýǵan bіreý bolsam, jaıyp salyp qarap otyrmaımyn ba? Bala saýdasyna qatysy barlarǵa aıtarym, Jánіbektіń shyndyǵyn ashyńyzdar, maǵan habarlasyńyzdar. Bіzdіń qazіrgі basty maqsat – balanyń týǵan sheshesіn tabý. Al bala saýdasyna qatysty máselemen tıіstі organdar aınalyssyn. Jıyrma jyl turmaq, elý jyl ótse de, bala saýdasynyń júgі jeńіldemeıdі-ay», – dep jazdy Qymbat Dosjan.
Sonymen qatar Jánіbektіń qazіrgі ýaqytta Ispanııada turatynyn jáne anasyn іzdeýmen kún ótkіzіp júrgenіn aıta kettі.
«Qazіr Jánіbek Ispanııada, qolyna túsken jumysqa jegіlіp, túrlі salada qyzmet etіp júr. Týa sala týǵan anasynan, týǵan jerіnen jyraq ketken ol qıyndyqqa ábden shyńdalǵan, ımmýnıtetі myqty, bіraq jaǵdaıy onsha emes. Kúlse de, álemnіń eń kórіktі jerіne saıahattasa da «Menіń sheshem kіm?» degen suraqpen ómіr súrіp keledі. Balanyń keshі solaı batady, tańy solaı atady», – dep jazdy Qymbat Dosjan.