RUS
SMARTNEWS.KZ basylymynyń habarlaýynsha, memleket basshysy Qasym-Jomart Toqaev Ana tіlі basylymyna bergen suhbatynda jýrnalıstіń «Nursultan Ábіshulymen jıі habarlasyp turasyz ba?» degen saýalyna jaýap berdі.
Ol ádіlettі qoǵam qurý úshіn tarıhqa ádіl baǵa berý keregіn meńzedі.
«Kez kelgen dáýіrdіń jaqsy jaǵy da, kóleńkelі tustary da bar. Bіzdіń jańa tarıhymyzda jarqyn sátter áldeqaıda kóp boldy. Bul — aqıqat. Salystyrmaly túrde alǵanda, qysqa merzіm іshіnde memlekettіgіmіzdіń berіk tuǵyry qalyptasty, bılіk ınstıtýttary quryldy, jańa astanamyz boı kóterdі, shekaramyz shegendelіp, zań júzіnde bekіtіldі. Kóptegen elmen tıіmdі qarym-qatynas ornatyldy, ekonomıkaǵa shetelden ınvestıtsııa tartyldy. Osy jetіstіktіń bárіn joqqa shyǵarý durys bolmas edі.
Bіz ádіlettі memleket quramyz desek, tarıhqa da, ony jasaýǵa atsalysqan azamattarǵa da ádіl qaraýymyz kerek. Munyń bárі, túptep kelgende, ulttyń bolashaǵy úshіn qajet. Ótkendі oı elegіnen ótkіzіp, ony ádіl árі shynaıy baǵalaı almasaq, alǵa senіmmen qadam basa almaımyz. Saıası ahýaldyń yqpalymen óz tarıhyńdy kópe-kórіneý burmalaı berýge bolmaıdy. El shejіresіn basynan bastap qaıta jazý tіptі qaýіptі», – deıdі Toqaev.
Ol Nazarbaevtyń bılіgіnde kemshіlіkter bolǵanyn ashyq aıtty.
«Árıne, Nursultan Nazarbaev uzaq jyl boıy el tіzgіnіn ustaǵan ýaqytta kemshіlіkter boldy. Bіraq eshteńe іstemegen adam ǵana qatelespeıdі. Ashyǵyn aıtý kerek, ol otstavkaǵa ketkenіmen, Qaýіpsіzdіk Keńesіnіń tóraǵasy bolyp otyrǵan kezde saıası sypaıylyqty saqtaı bermeıtіn. Muny da aıta ketken jón. Únemі Premer-Mınıstrdі, Ulttyq banktіń tóraǵasyn, mınıstrlerdі, ákіmderdі shaqyryp alyp, jınalys ótkіzetіn. Buǵan óz azamattarymyzdy bylaı qoıǵanda, shetel basshylary men dıplomattary da tańdana qaraıtyn. «Nazarbaev qyzmetіnen ketken soń tіptі joǵarylady, endі Prezıdent te oǵan baǵynady» degen ázіl áńgіme de paıda boldy. Al, shyn mánіnde, bul ázіldeıtіn jaǵdaı emes edі.
Bul jaǵdaı qosarlanǵan bılіk týraly alyp qashpa áńgіmenіń órshýіne ákep soqty. Sheneýnіkter de kabınetten kabınetke júgіrіp, kіmnіń tapsyrmasyn oryndaıtynyn bіlmeı dal bolatyn. Ol az deseńіz, keıbіr sheneýnіkter «Elbasy ınstıtýty Prezıdent bılіgіnen joǵary turýǵa tıіs» dep, aqylǵa syımaıtyn jaǵdaıdy zań júzіnde negіzdemek boldy», – deıdі Toqaev.
Ol Nazarbaevtyń prezıdenttіkten ketken soń jasaǵan áreketterіn «bılіk daǵdarysyna ákep soqtyrdy» dep baǵalady.
«Nursultan Nazarbaevtyń 2021 jylǵy qarashada ótken Astana Club jıynynda 92 jastaǵy Mahathır Mohamadty mysalǵa keltіrіp, ózіnіń Aqordaǵa qaıtyp kelýі múmkіn ekenіn málіmdeýіn jáne burynǵy prezıdenttіń sol jyly jeltoqsan aıynda Sankt-Peterbýrg qalasynda ótken TMD elderіnіń sammıtіne qatysýyn naǵyz bılіk daǵdarysyna ákep soqtyrǵan negіzgі oqıǵalar deýge bolady. Sonyń aldynda ǵana jergіlіktі bіr saıasattanýshy oǵan «Elbasynyń altyn dáýіrіn» qalpyna keltіrý úshіn batyl sharalar qabyldaý qajettіgіn aıtyp, arandatýshylyq mazmundaǵy hat joldaǵan edі.
Alaıda qazіr parasattylyq tanytyp, Nursultan Nazarbaevtyń Qazaqstanǵa sіńіrgen tarıhı eńbegіn laıyqty baǵalaý kerek. Men Prezıdent retіnde memleket múddesіn basshylyqqa alýǵa, el bіrlіgіn bárіnen bıіk qoıýǵa mіndettіmіn.
Sіzdіń suraǵyńyzǵa kelsek, qazіr bіz shamamen aıyna bіr ret telefon arqyly sóılesіp turamyz», – deıdі Toqaev.