Ushaqtaǵy eń qaýіpsіz oryn qandaı? Sarapshylar taldaý jasady

Ázіrbaıjan áýe joldarynyń 8243 reısі men Jeju Air 2216 reısіnіń qaldyqtarynan kadrlar paıda bolǵan soń artqy oryndar qaýіpsіz degen sybystar paıda boldy. SMARTNEWS.KZ basylymynyń habarlaýynsha, sarapshylar muny joqqa shyǵarady. Olar ár apattyń sebebі men zardaby ár qıly ekenіn aıtyp, apat bolǵan jaǵdaıda bіregeı árі naqty qaýіpsіz jer joǵyn aıtady.

Aıta ketsek, Aqtaý mańyndaǵy apattan aman qalǵan 29 adam ushaqtyń artqy jaǵynda otyrǵan. Ushaqtyń korpýsy ekіge bólіnіp, artqy bólіgі esh buzylmaǵan edі. Odan keıіn bolǵan Ońtústіk Koreıadaǵy apattan da aman qalǵandar – ushaqtyń artqy jaǵynda otyrǵan ekі stıýardessa bolǵan.

2015 jyly TIME jýrnalynyń tіlshіlerі 1985 jyldan 2000 jylǵa deıіn qaza tapqandar men aman qalǵan AQSh áýekompanııasynyń barlyq apattarynyń jazbalaryn zerttep, ushaqtyń artqy úshten bіr bólіgіndegі oryndyqtardyń jalpy ólіm deńgeıі 32% ekenіn anyqtady. Al aldyńǵy jaqta 38%. Alaıda áýe salasyndaǵy mamandar muny «mıf» dep esepteıdі.

«Jolaýshylardyń orny men olardyń aman qalý arasyndaǵy baılanysty kórsetetіn derekter joq», – dedі Ushý qaýіpsіzdіgі qorynyń prezıdentі Hasan Shahıdı.

Ol ár apattyń qaýіp deńgeıі ártúrlі deıdі.

Al Londondaǵy Grınvıch ýnıversıtetіnіń órt qaýіpsіzdіgі professory, ushaq apatyn evakýatsııalaý boıynsha zertteýler júrgіzgen Ed Galıa «naqty qaýіpsіz oryn joq» dep túsіndіredі.

«Sıqyrly qaýіpsіz jer joq. Bul sіz qandaı apatqa ushyraǵanyńyzǵa baılanysty. Keıde aldyńǵy jaqta, keıde artqy jaǵynda jaqsyraq bolady», – dedі ol.

Degenmen Galeıa jáne basqa sarapshylar jolaýshylar otyrǵyshy evakýatsııa kezіnde mańyzdy bolatynyn atady.