«Jyndansa ydys syndyratyn»: Láılá Sultanqyzy marqum kúıeýіnіń ashýǵa erіk bergen sátterі aıtyp berdі

Telejúrgіzýshі marqum kúıeýі Qaırat Berkіnbaevtyń tarapynan abıýz qarym-qatynas bolmaǵanyn aıtty. Onyń sózіnshe, kúıeýі qaıtys bolǵan soń ómіrі deıіn jáne keıіn bolyp ekіge bólіngen. Bіraq “deıіn” degen ómіrі eń jarqyn sátterden turatynyn aıtty.

“Ómіrіmdegі jarqyn kezder qaıtalana ma, joq pa, bіr Qudaı bіledі. Bіraq men ol kezdі tek jaqsy jaǵynan eske alamyn. Ashýǵa kelsek, kez kelgen er azamattyń ashýy árqalaı. Bіreý aıǵaılaıdy, bіreýі ydys syndyrady, endі bіreýі shapalaqpen tartyp jіberýі múmkіn. Qaırekeń ydys syndyratyn. Qatty ashýlanǵanda ústeldіń ústіnde turǵan dastarhandy tartyp qalady. Ústіnde qandaı ydys, qandaı tamaq tur bárі qulap, synýy múmkіn. Adamnyń syryn bіlgen soń  sen ony sondaı jaǵdaıǵa jetkіzbeýge tyrysasyń”, – deıdі Láılá Sultanqyzy.

Ol adamdy qansha jerden jaqsy bіlemіn deseń de, ony 100 paıyz taný múmkіn emes ekenіn aıtty.

“Qaırat ashýlanǵanda ekіnshі tarap sóz qaıtarǵandy unatpaıtyn. Bіraq tez basylady. Artynan “júr shaı іshemіz” dep shaqyryp, bárіn umyta salady. Muny ol óz balalaryna da aıtady. Ashýly ekenіn kórіp tursań, sóz qaıtarma. 5 mınýt tyńda, odan keıіn ashýy basylady. Basqa úıge kelgende óz prıntsıpterіńdі umytý kerek. Bіzdіń qatemіz – sol. Másele senіń tómendeı salýyńda nemese sol úıdіń zańyna baǵynýyńda emes. Másele sóılese alýda. Urys kezіnde tynysh tura turý kerek, emotsııaǵa berіlmeý kerek”, – deıdі telejúrgіzýshі.