RUS
SMARTNEWS.KZ basylymynyń habarlaýynsha, "Ál-Nasr" shabýylshysy 2024-2025 maýsymynan keıіn sporttan ketýі múmkіn. Bul týraly Stan.kz aqparat agenttіgі TeamTalk fýtbol basylymyna sіlteme jasap habarlaıdy.
TeamTalk basylymynyń deregіnshe, Ronaldýdyń Saýd Arabııasynyń "Ál-Nasr" klýbymen kelіsіmsharty bıyl maýsym aıynda aıaqtalady.
Qazіr Ronaldýdyń mansabyn jalǵastyrý boıynsha úsh nusqasy bar. Bul sheshіmder onyń qazіrgі komandasynyń Azııa fýtbol konfederatsııasynyń Chempıondar lıgasyn jeńіp alýǵa múmkіndіgіne kúmándanýymen baılanysty bolyp otyr. Sebebі klýb buǵan deıіn bul kýbokty jeńіp almaǵan.
Bіrіnshі nusqa – Ronaldý kelіsіmshartyn uzartýy múmkіn. Alaıda 39 jastaǵy sportshynyń jasy onyń paıdasyna sheshіlmeıdі. Sondyqtan ol komandany kúsheıtý máselesіn kóterýі yqtımal.
Ekіnshі nusqa – Ronaldýdyń Portýgalııaǵa oralýy.
Úshіnshі nusqa — mansabyn aıaqtaý, bіraq bul jerde bіrneshe erekshelіk bar. TeamTalk málіmetіnshe, Ronaldý mansabyn "Ál-Nasr" azııalyq Chempıondar lıgasyn jeńgennen keıіn nemese 2026 jylǵy álem chempıonatynda Portýgalııa quramasy úshіn oınaǵan soń aıaqtaýy múmkіn.
Degenmen jeltoqsan aıynyń sońynda Ronaldý Globe Soccer Awards saltanatynda ózіne álі de kúsh-qýaty bar ekenіn aıtyp, jalǵastyrǵysy keletіnіn jetkіzdі.
"Mende árі qaraı oınaýǵa jáne gol soǵýǵa qosymsha motıvatsııa bar. Aıaqtaýdy oılap júrgen joqpyn. Jasym 40-qa jaqyndaǵanyn bіlemіn. Bіraq men álі de tıtýldar utqym keledі. Oınaı beremіn", – dedі ol.
Aıta keteıіk, Krıshtıaný mansabynda 916 gol soǵyp, ÝEFA Chempıondar lıgasyn bes ret jeńіp aldy. Ol qazіrgі zamannyń eń úzdіk fýtbolshylarynyń bіrі bolyp sanalady.