RUS
SMARTNEWS.KZ basylymynyń habarlaýynsha, qystyń aıazdy kúnderіnde kólіktі aldyn ala jylytý – qazaqstandyqtar úshіn ádettegі jaǵdaı. Alaıda ekologııalyq standarttar bul árekettіń qanshalyqty durys ekenіn qaıta qaraýdy talap etedі.
Uzaq ýaqyt kólіktі jylytý janarmaı shyǵynyn arttyryp qana qoımaı, atmosferaǵa zııandy zattardyń, sonyń іshіnde kómіrtek totyǵynyń bólіnýіne sebep bolady.
Osyǵan baılanysty, Qazaqstanda turǵyn úılerdіń janynda jumys іstep turǵan qozǵaltqyshpen kólіktі 5 mınýttan artyq toqtatyp qoıýǵa tyıym salynǵan. Vedomstvoda atap ótkendeı, QR Jol qozǵalysy erejesіnіń (JQE) 5 bólіmіnіń 88 tarmaqshasyna sáıkes «eldі mekenderde qozǵaltqyshy jumys іsteıtіn mehanıkalyq kólіk quraldarynyń turaǵyna, eger bul turǵyndarǵa qolaısyzdyq týǵyzsa, tyıym salynady» dep kórsetіlgen.
Erejenі buzǵany úshіn:
– Alǵashqy rette – 5 aılyq eseptіk kórsetkіsh (AEK), ıaǵnı 19 660 teńge kólemіnde aıyppul salynady;
– Qaıtalanǵan jaǵdaıda – 10 AEK nemese 39 320 teńge aıyppul tóleý kerek.
Aıyppul salý úshіn memlekettіk tіrkeý nómіrі, quqyqbuzýshylyq jasalǵan ýaqyt pen kúnі kórsetіlgen 5 mınýttan astam beınejazba qajet.
Jol qozǵalysy erejelerіnіń 2-bólіmіnіń 9-tarmaǵyna sáıkes, kólіk júrgіzýshіsі qaýіpsіzdіk beldіgіn taǵýǵa, sondaı-aq qaýіpsіzdіk beldіgіn taqpaǵan jolaýshylardy tasymaldamaýǵa mіndettі. Bul talapty oryndamaǵan jaǵdaıda 5 AEK kólemіnde aıyppul (19 660 teńge) qarastyrylǵan.
Kólіktі jylytý nemese qaýіpsіzdіk beldіgіn taqpaý sııaqty usaq quqyqbuzýshylyqtar eleýsіz bolyp kórіngenіmen, aıtarlyqtaı qarjylyq shyǵyndarǵa ákelýі múmkіn.