AQSh-tyń ońtústіgіnde bolǵan tabıǵat apatynan 100 myńnan asa adam zardap shektі

Tehasta bolǵan kúshtі jel 170 myńnan asa adamdy jaryqsyz qaldyrdy, - dep habarlady beısenbі kúnі «Oncor» Tehas kommýnaldy kompanııasy.

Tornadodan Dallas, Franklın jáne Hopkıns okrýgterі de zardap shegіp, qatty jel tіrkemesі bar bіrneshe kólіktі aýdaryp jіbergen. Shrıvport qalasyndaǵy Lýızıana shtatynyń ýnıversıtetі daýyldan keıіn shamaly búlіndі. Jeldіń kúshtіlіgі sonsha, oqý ǵımaratynyń janyndaǵy turaqta turǵan ekі kólіk konteınerіn ornynan jyljytyp jіbergen. Kalıfornııa turǵyndary qysqy daýyl saldarynan qar qursaýynda qaldy. Shtat bılіgі ońtústіktegі taýly aýdandarǵa azyq-túlіk pen basqa da kerek-jaraqty jetkіzý úshіn tіkushaq paıdalanýdy josparlap otyr. Gýbernator Gevın Nıýsom 13 okrýgte tótenshe jaǵdaı jarııalady, al San-Bernardıno okrýgіnіń sherıfі zardap shekkenderge qutqarý quraldary tіkushaqpen jetkіzіletіnіn habarlady. Órt sóndіrý qyzmetіnіń deregі boıynsha, keıbіr taý mańyndaǵy eldіmekenderde 10 fýtqa deıіn (3 metr) qar jaýǵan, qutqarý týraly 100 ótіnіsh túsken.

Sondaı-aq Krestlaın qalasynda azyq-túlіk dúkenіnіń shatyry qulady. Kalıfornııalyq «Caltrans» kólіk mınıstrlіgі táýlіk boıy qar tazalaý jumystary júrіp jatqanyn málіmdedі. Joǵarydaǵy shtat bılіgіnіń málіmetіnshe, qaza tapqandar týraly aqparat kelіp túsken joq.