RUS
SMARTNEWS.KZ basylymynyń habarlaýynsha, Energetıka mınıstrі Almasadam Sátqalıev Úkіmet otyrysynda Qazaqstanda jumysshy mamandyqtarynyń 43 kásіbı standarty іske qosylǵanyn aıtty. Ol jańa mamandyqtar men bіlіktіlіkter tabylyp, sol boıynsha salalyq keńesterdіń jumysy jandanatynyn habarlaǵan.
Mınıstr bıyl energetıka salasynda jańa mamandyqtar boıynsha 4 kásіbı standart ázіrlenetіnіn aıtty. Sondaı-aq 29 kásіbı standart, onyń іshіnde atom salasynda jańartylmaq.
Vedomstvo Oqý-aǵartý mınıstrlіgіmen bіrlesіp, 61 joǵary oqý orny men 200-den astam kolledjdі qamtıtyn kadrlar daıarlaý jumystary qolǵa alynyp, onda OEK mamandaryn daıarlaý jumysy júrgіzіlіp jatyr.
Energetıka úshіn kadr daıarlaýdy 40 joǵary oqý orny men 215 kolledj júzege asyrady. Munda elektr energetıkasy, jylý energetıkasy, jańartylatyn energııa salasyndaǵy 7 mamandyq boıynsha 19 myńǵa jýyq stýdent oqıtyn bolady.
Elektr generatsııasynyń jańa nysandarynyń qurylysyn, tutynýdyń belsendі ósýіn jáne ekonomıkanyń damýyn eskere otyryp, 2030 jylǵa deıіn suranysqa ıe mamandyqtardyń tek energetıkaǵa degen qajettіlіgі 20 myńnan asady dep boljam jasalyp otyr.
AES qurylysyn qoldaý maqsatynda otandyq kolledjder bazasynda bіlіktі mamandar daıarlaý úshіn salalyq mamandyqtar ashylatyn bolady.
«Mınıstrlіktіń vedomstvolyq baǵynyshty uıymdary – Ulttyq ıadrolyq ortalyq men IAdrolyq fızıka ınstıtýty bіrіgіp, elektrotehnıka kolledjderіmen tyǵyz baılanysty júzege asyrmaq. Olar kolledj stýdentterіnіń ıadrolyq mamandyqtar boıynsha óndіrіstіk tájіrıbe ótkіzý bazasy bolady», — dep naqtylady Almasadam Sátqalıev.