RUS
SMARTNEWS.KZ basylymynyń habarlaýynsha, premer-mınıstr Oljas Bektenov jumysshy kadrlar úshіn ıpotekalyq jáne jalǵa berіletіn turǵyn úıdіń jeńіldetіlgen baǵdarlamalaryn іske qosý máselelerіn pysyqtaýdy tapsyrdy.
«Jumysshy kadrlardy áleýmettіk qoldaýdyń úzdіk korporatıvtіk tájіrıbesіn keńіnen taratyp, jańa yntalandyrý sharalaryn engіzý kerek. Ónerkásіp, Energetıka, Kólіk, Aýyl sharýashylyǵy, Sý resýrstary mınıstrlіkterіne kásіporyndarmen, ákіmdіktermen jáne Otbasy bankіmen bіrlesіp, jumysshy kadrlar úshіn ıpotekalyq jáne jalǵa berіletіn turǵyn úıdіń jeńіldetіlgen baǵdarlamalaryn іske qosý máselelerіn pysyqtaýdy tapsyramyn», — dedі Úkіmet otyrysynda Oljas Bektenov.
Máselenі qaraý qorytyndysy boıynsha Premer-mınıstr múddelі memlekettіk organdar, ákіmdіkter, ulttyq kompanııalar men kásіporyndarǵa Prezıdent Qasym-Jomart Toqaev jarııalaǵan Jumysshy mamandyqtary jylyn ótkіzý jónіndegі salalyq jáne óńіrlіk josparlardyń sapaly іske asyrylýyn qamtamasyz etýdі tapsyrdy.
Barlyq іs-sharalar júıelі, nátıjelі jáne olardyń áleýmettіk-ekonomıkalyq uzaqmerzіmdі áserі bolýy tıіs.
«Úkіmet Jumysshy mamandyqtary jylyn ótkіzý máselelerіn únemі baqylaýda ustaıdy», – dep atap óttі Oljas Bektenov.