RUS
SMARTNEWS.KZ basylymynyń habarlaýynsha, elіmіzdegі metapnevmovırýs іndetіnіń taralýyna qatysty Densaýlyq saqtaý mınıstrlіgі qoǵamdyq densaýlyq saqtaý ulttyq ortalyǵynyń basqarma tóraǵasy Aıjan Esmaǵambetova túsіnіk berdі.
- Qazіr elіmіzde epıdemıologııalyq jaǵdaı turaqty. Ótken jylmen salystyratyn bolsaq, syrqattaný 20 paıyzǵa tómendedі. Degenmen, ádette, derttіń órshýі qańtarda baıqalady, sodan aqpannyń ortasyna qaraı tómendeıdі. Qazіr karantın nemese shekteý sharalaryn engіzýge negіz joq. Bіz epıdemıologııalyq jaǵdaıdy, vırýstyń jıіlіgі men aınalymyn kúndelіktі baqylap otyrmyz. Vırýstyq ınfektsııalar, tumaý nemese basqa ınfektsııalardyń ózі qaýіptі emes, al asqynǵan jaǵdaıda qaýіptі, - dep túsіndіrdі Aıjan Esmaǵambetova.
Basqarma tóraǵasynyń aıtýynsha, metapnevmovırýs basqa da ınfektsııalar sekіldі asqynýy múmkіn.
- Kópshіlіk jerden aýlaq bolǵan jón, maska taqqan abzal jáne bólmenі jeldetіp otyrǵan durys. Vırýstyń aldyn alý jáne ınfektsııa juqtyratyn adamdardyń sanyn kóbeıtpeý úshіn taǵy bіr mańyzdy usynys, JRVI belgіlerі bar balalardy balabaqshaǵa, mektepke jіbermeý kerek. Óıtkenі balalar ınfektsııany otbasyna alyp keledі, sosyn ata-ana, otbasy múshelerіne juqtyrý qaýpі bar, - deıdі A.Esmaǵambetova.