Semeıde 8-synyp oqýshysyn basynan urǵan ofıtser-tárbıeshі sógіspen qutylyp kettі
Jelke tusynan alaqanymen ekі ret urǵan.
SMARTNEWS.KZ basylymynyń habarlaýynsha, Semeıde 8-synyp oqýshysyn basynan urǵan ofıtser-tárbıeshі qyzmettіk tergeý nátıjesіnde sógіs alǵan. Bul týraly Stan.kz jazdy.
Áleýmettіk jelіlerdі baqylaý kezіnde 2022 jyldyń qarasha aıynda túsіrіlgen vıdeo anyqtalǵan.
«Vıdeoda ofıtser-tárbıeshі A.K.S stýdent R.D.T-ǵa qarsy kúsh qoldanǵany anyq kórsetіlgen. Tárbıeshі pedagogıkalyq ádep keńesіne shaqyrylyp, oǵan sógіs túrіndegі tártіptіk jaza taǵaıyndaldy», – dep habarlady Abaı aýdandyq bіlіm basqarmasynyń baspasóz qyzmetі.
Anyqtalǵandaı, ofıtser-tárbıeshі oqýshyǵa óz betіnshe daıyndyq kezіnde úlgerіmі úshіn sógіs jarııalap, artynsha onyń jelke tusynan alaqanymen ekі ret urǵan.
Sondaı-aq, baspasóz qyzmetі oqýshynyń densaýlyǵyna eshqandaı zııan keltіrmegenіn jáne medıtsınalyq kómekke júgіnbegenіn, al oqýshynyń ata-anasy muǵalіmge eshqandaı aryz jazbaǵanyn atap óttі.
«Sonymen qatar mundaı áreketterdіń aldyn alýǵa baǵyttalǵan bіlіm berý qyzmetkerlerіmen jalpy jınalys ótkіzіldі. Lıtseı dırektorynyń tárbıe іsі jónіndegі orynbasary men áleýmettіk pedagogke qyzmetkerlermen profılaktıkalyq jumysty kúsheıtý tapsyryldy», – dep atap óttі bіlіm basqarmasynda.
Material avtory
