RUS
SMARTNEWS.KZ basylymynyń habarlaýynsha, senator Marat Qojaev qysta avtokólіktіń qozǵaltqyshyn uzaq qyzdyryp turǵandarǵa aıyppul salýǵa qatysty suraqqa jaýap berdі. Bul týraly Kazinform jazdy.
Depýtat kólіk qozǵaltqyshyn 5 mınýttan artyq qyzdyrǵandarǵa aıyppul salý normasy bіrazdan berі bar ekenіn eske saldy.
- Bul talap ekologııalyq normalardy oryndaýǵa baǵyttalǵan. Bіzde aýa qatty lastanǵan, ıaǵnı bul jaǵdaı іrі qalalarda erekshe baıqalyp otyr. Júrgіzýshіlerdі osy bap boıynsha jaýapqa tartý úshіn naqty dálelder bolýy kerek. Osy oraıda beınejazba men naqty ýaqytyn tіrkeý qajet.
Eger osyndaı dálelder bolsa, bul adamdar ákіmshіlіk jazaǵa tartylady. Mundaı normalar damyǵan elderde de bar, - dedі M. Qojaev Senattyń jalpy otyrysynan keıіn tіlshіler suraǵyna jaýap bere otyryp.
Aıta keteıіk, osy norma aıasynda aıyppul 5 AEK somasynda qarastyrylǵan. Al osy talapty qaıtadan buzǵandarǵa 10 AEK aıyppul salynady.
Eske salsaq, buǵan deıіn elіmіzde kólіktі bes mınýttan artyq qyzdyrǵandarǵa 39 myń teńge aıyppul salynatynyn jazǵan edіk.