AQSh-taǵy orman órtі: «Bolashaq» ortalyǵy Kalıfornııada oqyp júrgen qazaqstandyqtarǵa úndeý joldady
"Halyqaralyq baǵdarlamalar ortalyǵy" Kalıfornııa shtatynda bolyp jatqan orman órtterіne baılanysty jaǵdaıdy muqııat baqylap otyrǵanyn málіmdedі.
SMARTNEWS.KZ basylymynyń habarlaýynsha, qazіr Kalıfornııa shtatynda 73 stıpendıat bіlіm alyp jatyr. Onyń іshіnde "Bolashaq" baǵdarlamasynyń 56, al ǵylymı taǵylymdama baǵdarlamasynyń 17 stıpendıaty bar. Barlyǵy aman-esen, kýratorlarmen baılanysta.
"Stıpendıattar jergіlіktі bılіk organdarynyń usynystaryn oryndap, jaǵdaı týraly bіzge jedel túrde habarlap otyrady. Bіz ýnıversıtettermen turaqty baılanystamyz jáne kez kelgen ózgerіske jyldam áreket etýge daıynbyz", – delіngen "Halyqaralyq baǵdarlamalar ortalyǵynyń” habarlamasynda.
Ortalyq barlyq stıpendıatty abaı bolýǵa, qaýіpsіzdіk sharalaryn qatań saqtaýǵa shaqyrdy. Sondaı-aq tótenshe jaǵdaılarda San-Frantsıskodaǵy Qazaqstan konsýldyǵyna habarlasýǵa keńes berdі.
Material avtory
