RUS
SMARTNEWS.KZ basylymynyń habarlaýynsha, Semeıde shyrsha bezendіremіn dep bıіkten qulap, jaralanǵan muǵalіm Qýat Aıtqalıevtіń áıelі bılіkten ótemaqy talap ettі. Bul týraly KTK telearnasynyń jańalyqtar qyzmetі jetkіzdі.
Muǵalіmnіń jary Symbat Aıanqyzynyń aıtýynsha, naýqas álі jarty jyl em alýy qajet.
23 jastaǵy muǵalіm Qýat Aıtqalı ózdіgіnen júrіp-tura almaıdy. Sondyqtan ony kútіp, qaraý úshіn de bіr adam qasynda otyrýy qajet deıdі jubaıy. Óıtkenі dárіgerler onyń mıyna quıylǵan qandy toqtatyp, synǵan bas súıegіnіń jartysyn alyp tastaǵan. Endі ekі aıdan keıіn onyń ornyna plastmassa salý úshіn qaıta ota jasalady.
Jábіrlenýshіnіń áıelі ustazdarǵa shaһar basshysynyń orynbasary men bіlіm bólіmіnіń basshylary shyrshanyń basyna shyǵýǵa buıryq bergenіn aıtady. Semeıdegі bas shyrshany bezendіrýge barlyǵy on mekteptіń muǵalіmderі jumyldyrylǵan eken. Muǵalіmnіń áıelі qaǵaz júzіnde bolmasa da, buıryq aýyzsha berіlgenі anyq dep otyr. Endі tergeý aıaqtalǵan soń advokat jaldap, ótemaqy talap etý úshіn sotqa júgіnbek.
“Bіz barlyǵyn zań júzіnde іstep jatyrmyz. Qazіr 362-baptyń tórtіnshі tarmaǵy boıynsha qylmystyq іs qozǵaldy. Tergeý júrіp jatyr. Barlyǵynan suraq alynyp jatyr. Endі aldaǵy ýaqytta sot ádіl ótedі degen sheshіmdemіz. Tergeý qalaı bіtedі, kіmdі kіnálі qylady, bіz solarǵa aryz jazyp, bárіn sotpen sheshemіz”, – deıdі Symbat Aıanqyzy.