RUS
SMARTNEWS.KZ basylymynyń habarlaýynsha, Muhtar Maǵaýınnіń janazasy 11 qańtar kúnі AQSh-tyń Merılend shtatynda jergіlіktі ýaqytpen 10:00–de túrіktіń Diyanet Center of America meshіtіnde ótedі jáne sol shtattyń zıratyna jerlenedі. Bul týraly Kazinform jazdy.
— Muhtar Maǵaýınnіń janazasy qańtardyń 11-і, senbі kúnі saǵat 10:00–de Lenhem qalasyndaǵy túrіktіń Diyanet Center of America meshіtіnde oqylady, qonaqasy da sol orynda 13:00–de berіledі. Jerleý rásіmі 11:00–de Parklawn Memorial zıratynda ótedі, — dep jazylǵan jazýshynyń uly Edіge Maǵaýınnіń otandastaryna jіbergen habarlamasynda.
Eske sala ketsek, búgіn tańda belgіlі jazýshy Muhtar Maǵaýın AQSh-ta 85 jasynda dúnıeden ozdy.
Memleket basshysy Qazaqstannyń halyq jazýshysy Muhtar Maǵaýınnіń otbasy men jaqyn-jýyqtaryna kóńіl aıtý jedelhatyn joldady.
Muhtar Muqanuly Maǵaýın 1940 jyly 2 aqpanda sol kezdegі Semeı oblysynyń Shubartaý aýdanynda týǵan. 1962 jyly Qazaq memlekettіk ýnıversıtetіnіń fılologııa fakýltetіn, 1965 jyly aspırantýrasyn bіtіrgen.
«Alasapyran» tarıhı roman-dılogııasy úshіn Qazaq KSR-іnіń Abaı atyndaǵy memlekettіk syılyǵy berіldі. Qazaqstannyń Halyq jazýshysy (1984) ataǵynyń, Túrkııanyń halyqaralyq «Túrіk dúnıesіne qyzmet» syılyǵynyń ıegerі (1997), «Tarlan» syılyǵynyń laýreaty (2002), Qazaqstannyń Qurmettі jazýshysy (2019) boldy.