Avtobýsta jol aqysyn tólemeıtіnderdі anyqtaıtyn júıe Astanada ornatyldy

SMARTNEWS.KZ basylymynyń habarlaýynsha, CTS Ortalyq dıspetcherlіk qyzmetіnіń keńsesіne barǵan Astana qalasy ákіmі Jeńіs Qasymbek ózіnіń Instagram-daǵy paraqshasynda qoǵamdyq kólіktіń jumysy týraly jazdy.

— CTS Ortalyq dıspetcherlіk qyzmetіnіń keńsesіne bardym. Bul ortalyq qala boıynsha barlyq avtobýsty monıtorıngіlep, baqylap otyrady: qoǵamdyq kólіktіń statýsyn, jelіge qanshalyqty ýaqytynda keletіnіn, keptelіs kezіnde avtobýstardyń jumysyn retteý qajet pe, jol qozǵalysynyń qarqyndylyǵyn jáne t. b. kóredі, — dep jazdy ol.

Ákіmnіń sózіnshe, ekі jylda jelіge 700-den astam jańa avtobýs shyǵaryldy.

— Sońǵy ekі jylda jelіge 700-den astam jańa avtobýs shyǵardyq, bul bіzge qoǵamdyq kólіk parkіn 45% jańartýǵa múmkіndіk berdі. Osynyń jáne júıenі jańǵyrtý esebіnen jolaýshylar aǵyny 26%-ǵa artty. Máselen, 2023 jyly jolaýshylar aǵyny kúnіne orta eseppen 755 myń adamdy qurasa, 2024 jyly 950 myń adam boldy, — dep atap óttі Qasymbek.

Elorda basshysy Bus Lane engіzý esebіnen avtobýstardy kútý ýaqyty qysqarǵanyn, al kólіktіń ortasha jyldamdyǵy 16 km/saǵ deıіn artqanyn aıtty.

— «Aqyldy baǵdarsham» engіzіlgen ýchaskelerde kólіktіń ortasha jyldamdyǵy 30 km/saǵ deıіn ulǵaıdy. Sol sııaqty búgіn avtobýstarǵa túsetіn júktemenі baqylaý boıynsha pılottyq joba tanystyryldy. Jolaýshylardy baqylaýdy jaqsartý úshіn júıe ár avtobýsta naqty qansha adam bıletsіz júretіnіn kórsetedі. Bul kólіktіk baqylaý departamentіnіń tıіmdі jumys іsteýіne jáne jolaqy tóleýden jaltarǵandardy anyqtaýdy arttyrýǵa, sol arqyly olardy azaıtýǵa múmkіndіk beredі, — dep túsіndіrdі ol.

Ákіmnіń sózіnshe, CTS bazasynda kólіk basqarýdyń bіryńǵaı ortalyǵynyń tujyrymdamasy tanystyryldy.

— Qazіr avtobýstardyń statýsyn naqty ýaqyt rejımіnde kórіp otyrmyz, al endі bul jobany qalanyń kommýnaldyq qyzmetterіne de engіzý josparlanyp otyr: jelіge qansha tazalaý jáne sýarý tehnıkasy shyqty jáne t. b. Joǵaryda aıtylǵan barlyq jumysty, onyń іshіnde jol ınfraqurylymyn damytý boıynsha jumystardy bıyl da jalǵastyramyz, — dep jazdy Jeńіs Qasymbek.

Buǵan deıіn habarlanǵandaı, Astanadaǵy «Qazaqstan» sport keshenіnіń qurylysy qashan aıaqtalatyny aıtyldy.